۱۲٫۱۲٫۲۰۱۶ تاریخینده ۲۱ آذرین ۷۰- نجی ایلدونومو مناسبتی ایله « مصلحتلشمه و ایش بیرلیگی کنفرانسی» چوخ صمیمی بیر آب ـ هاوا (اتمسفر) ایچینده باشاچاتدی!

پروگرام گونئی آذربایجان میللی هیمنی سی نین ،سه سلنمه سیله و آذربایجانیمیزدا شهیدلریمیزین خاطیرینه بیر دقیقه سوکوتلا باشلامیشدیر.
بو ییغینجاغا دعوت ائدیله ن تشکیلاتلار ، اونلارین چیخیشچیلاری بونلاردان عبارت ایدی. :
واحید مستقیل آذربایجان جبهه سی( دقتور غروی)
آذربایجان میللی دیره نیش تشکیلاتی( کریم عسگری-انترنت ایله تورکیه دن قاتیلدی)
ارک جمعیتی( ژاله تبریزی)
گونئی آدربایجان میللی دئموکراتیک بیرلییی (سیمین صبری)
گونئی آذربایجان ایستقلال پارتیاسی( صمد فرتاش)
گونئی آذربایجان دئموکرات پارتیاسی( ماحمود بیلگین)
گونئی آذربایجان لیبرال دئموکرات پارتیاسی( هاشیم بئی)
گونئی آذربایجان قورتولوش پارتیاسی ( سردار بئی)
گونئی آذربایجان سوسیال دئموکرات پارتیاسی( فریدون پرویزنیا)
و میللی تانینمیش فعالار:
افسانه خانیم
یونس شاملی
ائلدار قره داغی
و تورکیه لی آراشدیرماجی زکی بئی
اوز گوروشلرینی صمیمیت ایله ایشتراکچیلار ایله پایلاشدیلار.
دانیشق لارین سونودا ، هر زامان اولدوغو کیمی آچیق گوروش بولومونده ،سوز ایسته ین قیمتلی دوستلار پروین خانیم کولن دن دکتر آراز،علی محمدی، و….اوز فیکیر لرین وتنقیدی گوروشلرین بیان ائتدیلر،
یونس یئی ایسه قارداشی ، یولداشی بالتاجی آراز ( یازار و شاعر) ین بیر بیریندن ده یرلی کیتابلارین تانیتیب و قیسا شاعریمیزین دوشونجه لرین و دونیا گوروشولرینی شعرکیتابیندان آنلاتدی.

ایکینجی بولوم :
تداروک کومیته سینین ایش بیرلیگی تکلیفی و بو ایش بیرلیگی اوچون گونئی آذربایجان کوردیناسیون شوراسینین یاراتیلماسی اوخونوب و دوستلاردا بو تکلیفه دوشونجه ومناسبت لرینی بیلدیردیلر .
چوخونلوق گونئی آذربایجان کوردیناسیون شوراسینین یارانماسینی مثبت بیر حرکت اولدوغونو قبول ائتدب و توصیه ائتدیلرکی، کومیته اوز ایللیک پیلانلارینی دوام ائتدیریب بو ۲۱ آذرده اولدوغو تشکیلاتلار و میللی فعاللار کومیته ایله اورتاق حرکت ائتسینلر ..

مراسیم آخیشیندا واحید بئی اوز تار ایله ( تار استادی) چوخ گوزل بیر اورتام یاراتدی. دوستوموز جواد بئی ده اوز میللی روحلی شعر ایله بوگوزل فضانین یارانماسینا یاردیم جی اولدی.
مراسیم سونلاریندا اولکوجو اوجاقلارینین بولگه مسئولو نون صمیمی چیخیشی و تورکیه میللتی نین هر زامان گونئی آذربایجان تورکلرینین یانیندا اولدوقلارینی بیان ائتمه سی ایش بیرلیگی اوچون توپلانان میللی فعاللاری سئویندیردی و بویوک آلقیش لارا سبب اولدی .

مراسیم گونئی آذربایجانداکی تدبیر لر کیمی میللی مارش ایله سونا چاتدی.
آذربایجان تداروک کومیته سی بوتون ایشتراکچیلاردان، خصوصیله باشقا اولکه لر و اوزاق شهرلردن گه لنلردن تشکور ائدیب و، کومیته طرفینده ن مراسیمین باشلانقیجیندا تکنیکی ندنلردن ، یالنیشلیقلا میللی هیمنی میزین یئرینه ، باشقا بیر مارش چالینماسی اوچون ، فداکار ، غئیر تلی میللتیمیزده ن، تشکیلاتلاردان و ایشتیراچیلاردان عذر ایسته ییریک . قبول اولماسینی آرزو ائدیریک .
یاشاسین بیرلیگیمیز
یاشاسین گونئی آذربایجان میللی حرکاتی

*آذربایجان اویرنجی حرکاتی ( امیر مردانی) تاسف لر ایله مراسیمه قاتیلما ایمکانی اولمادی ، اما بیزه یازاراق اوز مثبت گوروشون بیلدیرمیشدیر.