میللی حوکومتین ۷۰-نجی ایل دونومو مناسیبتی ایله ،بیرلیک ، و مصلحت لشمه کنفرانسی؛ سویوق ساواش دئوری سونا چاتدیقدان سونرا ، دونیادا چیخارجی دئولتلر، یئنی بیر دوزه ن یاراتماق اوچون سفربر اولموشلار، هر کس گوجونه و باجاریغینا گوره چالیشیرکی ،اوزونه داها چوخ پای قازانسین . و بوگون تورک جغرافیامیزدا ، خصوصیله بؤلگه میزده یئنیده ن آلولانان قانلی چاتیشمالار و چیزیلن سیاسی خاریتالار و دموقرافیک دئیشیم آپارما چابالارینی ، ائله بو یئنی دوزه نین دوغوم سانجی لاری اولاراق ده یرلندیرمه لیدیر، تاسف له ، بو گون دونیادا و بولگه میزده باش وئرن حادیثه لره باخیلدیقیندا ،موجود وقارشیدان گلن فلاکت لرین چوخو بیزیم میللی منافع میزین ضدینه جریان ائتمکده دیر،بئله بیر دورومدا منطقه ده هر هانسی بیر اؤلکه نین اؤنده گئدن لری،قاباقجیل دوشونن لری ، اوز میللی چیخارلارینی نظره آلاراق ، دونیا دنگه لرینی دوشونه ره ک، دوزگون آنالیز ائدیب،چیخیش یولو بولانمازسا، سونو چوخ فلاکته چئوریلیب و بو خطانین نتیجه سی اولاراق میللی ـ تاریخی توپراق لارینی ایتیرمکدیر ، حتا میللتینین یوخ اولماسینا شاهید اولاجاقدیردا !!، بیر حالدا کی ، بوگون دوزگون بیر سیاست قاباغا آپاریلیرسا ، کارلی چیخماساقدا ضره رین قارشی سینی آلماق آماجلاری و امکانلارینی الده ائتمک اولوملو و مومکوندور .! منطقه میزده اولان اولوشوملار( پروچئس لر) بیز آذربایجانلیلاردان خصوصیله آذربایجانیمیزین ایره لی دوشونن اینسانلا ریندان سیاسی حزب ، فیرقه و تشکیلاتلاریندان بئله بیر اؤلوم ـ قالیم چاغیندا بیرلیک ، وظیفه درکی ومسئولییت طلب ائدیر.

قارداش ـ باجی جاسینا اوتوروب ، دوزگون بیر استراتژی و اونا اویقون تاکیتک لراورتایا قویا بیلیرسک، چوخ لارینین ،پیلانلارینی پوزا بیله ریک.ائله بونون اوچون ۲۱ آذرین ( دولت چیلییمیزین) ۷۰ –نجی ایل دونومو موناسبتی ایله بوتون گونئی آذربایجانیمیزین فیرقه ، تشکیلات و شخصیت لرینی قئید ائدیله ن مضوعلاری گؤتور ـ قوی ائتمک اوچون آلمانیانین کولن شهریندن بیرلیک و مصلحت کنفرانسی نا دعوت ائدیریک.میللتیمیزین آیدینلاریندان بو آغیر باسقیلارا قارشی عملی چوزوم و بیرلیک یوللارینی سونمالارینی ایسته ییریک. بیرلیک و مصلحت کنفرانسیندا هر کس اوز دوشونجه لرینی و چیخیش یولارینی آنلاتاراق ،میللتیمیزه یئنی دوزن آدی آلتیندا یوروتولن پیلانلارا قارشی بیزیمده اوزوموزه عاید استراتژیمیزین مشخص ائدیلمه سی ، هر احتماله قارشی پیلانیمیزین اولدوغونو تثبیت ائتمه میز لازیمدیر. عین زاماندا دونیادا یئنی ده نگه یاراتما چاباسیندا اولان چیرکین پیلانلارین حیاتا کئچیرمه لری نین خسارتی نین اونلارا و میللتیمیزه نه اولاجاغی گوستریلمه لیدیر بو اساسدا آیدین لاریمیزین ، سیاستچیلریمیزین نظر صاحیبلریمیزین و فعالاریمیزین آرتیق شخصی سلیقه لری و اختلافلارینی بیر طرفه بوراخیلماسینی ، میللی حرکت ایچین بیر یئره توپلاشیب بو امری یئرینه یئتیرمک دیله ییریک، بیزده اجاق کلن اولاراق بو گون کی دورومون حساسیت لرینی درک ائده رک اؤز گؤره ویمیزی یئرینه یئتیرمک ایچین و بو آرزو اساسیندا چالیشمیشیق ۲۱ آذری قوتلارایاق بوتون میللی فعالاریمیزین بیر یئره توپلاشما شراییطینی الده ائدیب اونلارین تجربه و فیکیرلرینین اساسیندا.بیرلیکده میللی حرکت ایچین یارارلی بیر آددیملار آتا بیله ک، و هر آذربایجان سئور سویداشیمیزین یاردیمینی گؤزله ییریک .

چاغیریش : ۲۱ آذر مناسبتی ایله؛ یئر :کلن شهری- Cleveischer Ring 113 51063 Köln

چاغ:۲۰۱۵ اینجی ایلین دسامبر آینین ۱۲- جو گونو