علی سولئیمانی: ایراندا عائلمی تهدید ائدیرلر [سس]
![علی سولئیمانی: ایراندا عائلمی تهدید ائدیرلر [سس]](https://www.araznews.org/fa/wp-content/uploads/2013/09/علی-سلیمانی.jpg "علی سولئیمانی: ایراندا عائلمی تهدید ائدیرلر [سس]")
علیرضا قولونجو
بیرلشمیش شتات‌لاردا موهاجیر حیاتی یاشایان میللی فعال، ژورنالیست و سابیق سیاسی محبوس آمئریکانین سسینه موصاحیبه‌ده عائله عضو‌لری‌نین اوزلشدیگی تضییق‌لر حاقیندا معلومات وئریب. علی سولئیمانی‌نین سؤزلرینه گؤره، ایرانین تهلوکه‌سیزلیک قوروم‌لاری اونون 16 یاش‌لی اوغلونون اؤلکنی ترک ائدیب آتاسی‌نین یانینا گئتمه‌سینه مانع اولورلار.
علی سولئیمانی: ایراندا عائلمی تهدید ائدیرلر
“اولده پاسپورت ایداره‌سی پروبلئم چیخارمیشدی. 18 یاش‌دان کیچیک اولدوغو اوچون آتاسی‌نین گلمه‌سینی ایستمیشدی‌لر، هالبوکی من خاریجده اولدوغوم اوچون اوغلومون قانونی قییومو آناسی‌دیر. بونا گؤره، محکمه‌یه اعتراض ائتدی‌لر. اردبیل پروکورورلوغو دئدی کی، پروبلئم یوخ‌دور و پاسپورت ایداره‌سی پاسپورت وئرمیی قبول ائتدی. آنجاق، هئچ بیر قانونی پروبلئم اولمادیغینا باخمایا‌راق اوغلوم سرحددی کئچنده تهلوکه‌سیزلیک امکداش‌لاری طرفین‌دن ساخلانیلیب،” دئیه جناب سولئیمانی معلومات وئریب. میللی فال اوغلونون ائتتئلاات ممورلاری طرفین‌دن 10 ساعتا قدر سورغو-سوالا چکیلدیگینی بیلدیریب: “اوغلوم و اوغلومون آناسینی تهدید ائدیب‌لر کی، بو باره‌ده مئدیایا خبر بوراخماسین‌لار.”
اوغلوم و اوغلومون آناسینی تهدید ائدیب‌لر کی، بو باره‌ده مئدیایا خبر بوراخماسین‌لار.
علی سولئیمانی‌نین دئدیک‌لرینه گؤره، تهلوکه‌سیزلیک قورومونون تضییق‌لری بون‌لارلا بیتمه‌ییب. ائتتئلاات اونون عائله‌سی‌نین آذربایجان شهرلرینی ترک ائدیب و فارسدیل‌لی بؤلگه‌یه کؤچمه‌سینی ایسته‌ییب. اونلار طلبی یئرینه یئتریمک مجبوریتینده قالا‌راق بو یاخین‌لاردا تئهرانا کؤچمیی پلانلاشدیریرلار. کئچمیشده سیاسی فعالیت‌لری اوزون‌دن هبسه معروض قالان، قاپادیلمیش شمسی تبریز قزئتی‌نین امکداشلاریندان اولان علی سولئیمانی 2005-جی ایلین دئکابر آییندا ایران آذربایجانینی ترک ائده‌رک آذربایجان رئسپوبلیکاسیندا بمت-دن سیغینا‌جاق آلیب. “اؤلکنی ترک ائتدیگیم تاریخ‌دن بری عائلمه قارشی موختلیف نؤو تضییق‌لر تطبیق ائدیلیب. اونلاری سورغو-سوالا چکیب اخلاقی اتهام‌لار ووروب‌لار،” دئیه جناب سولئیمانی علاوه ائدیب.
اؤلکنی ترک ائتدیگیم تاریخ‌دن بری عائلمه قارشی موختلیف نؤو تضییق‌لر تطبیق ائدیلیب. اونلاری سورغو-سوالا چکیب اخلاقی اتهام‌لار ووروب‌لار.
علی سولئیمانی دئییب کی، ایران ایسلام رئسپوبلیکاسی باسقی‌لار تطبیق ائتمکله خاریجده موهاجیرت حیاتی یاشایان فال‌لارین عائله عضو‌لری‌نین‌دن اونلارین علیهینه ایستیفاده ائتمه‌یه چالیشیر. آذربایجان رئسپوبلیکاسی، تورکییه، آوروپا و آمئریکادا موهاجیرت حیاتی یاشایان بیر چوخ فال‌لارین گونئی‌دکی عائله عضو‌لری تئز-تئز باسقی‌لارا معروض قالیر.
