1924’ده دونیایا گلمیش دئنکتاش، 88 ایللیک یاشامی نین چوخ بؤیوک بیر بؤلومونو قیبریس داعواسینا آدامیش … اینگیلتئره’ده حقوق ائیتیمی آلدی.

ائیتیمی بیتر بیتمز قوزئی قیبریس’ا دؤنوب، گئنج بیر آووقات (وکیل) اولاراق، قیبریس تورکلری نین موجادیله سینه رهبرلیک ائدن دکتر فاضلی کوچوک’ون یانیندا چالیشمایا باشلامیش … دئرکن؛ 1948’ده هنوز 24 یاشیندا ایکن ائنونیس’ه قارشی دوزه نله نن ایلک بؤیوک میتینگده تانیدی. ایلک کئز خالقا سسلندیگی بو میتینگ، یاریم عصری آشان سییاسی حایاتی نین دا باشلانقیجی اولدو.

1959’داکی لندن-زوریخ آنلاشمالارییلا، قیبریس جمهورییتی آنایاسی نین حاضیرلانماسی چالیشمالارینا قاتیلان دئنکتاش 1960’ده تورک جماعت مجلیسی باشقانلیغینا سئچیلدی. آنجاق؛ 3 ایل سونرا، 1963’ده جمهورییتین ییخیلماسی و روم’لارین سالدیری نین یئنی دن باشلاماسییلا قیبریس’لی تورکلر، دولاییسی ایله رئوف دئنکتاش اوچون ده چتین گونلر یئنی دن باشلادی. دؤورون روم لیدئری ماکارییوس طرفیندن ایستنمه ین آدام اعلان ائدیلدی و قیبریس’ا گیریشی یاساقلاندی. 5 ایل بویونجا قیبریس’ا گیزلی یوللاردان گیریب چیخان دئنکتاش، اَرَن کؤی چاتیشمالاری سیراسیندا ایکی کئز اؤلوموندن دؤندو.

دئنکتاش 1974’ده کی تورک باریش حرکاتی’نی ایزله ین سوره جده قورولان قیبریس تورک فئدئرا دؤولتی’نین ده ایلک دؤولت باشقانلیغی نی اوسته لندی.

1983’ده قوزئی قیبریس تورک جمهورییتی’نین اعلان ائدن دئنکتاش، 1985-2005 ایللری آراسیندا آرالیقسیز جمهور باشقانلیغینی یوروتدو. 5 روم یؤنه دیمی لیدئری نین، 5 بیرلشمیش میللتلر گئنل سئکرئتری، 6 تورک جمهور باشقانی و 13 باش باخان ایله چالیشدی. چتینلیکلرله دولو بیر سییاسی موجادیله وئرن رئوف دئنکتاش تام 3 دفعه ده اؤولاد آجیسی یاشادی. 6 اؤولادیندان اوچون الدن وئردی. چوخو قیبریس سورونو ایله ایلگیلی 50’نین اوزه رینده اثری بولونان دئنکتاش، آدی اؤلکه سییله بیرلیکده آنیلان رهبرلر آراسیندا تاریخده یئرینی آلدی.

حاضیرلایان: آرازنیوز آراشدیرما مرکزی اَمَکداشلاری