داوود توران: “آزربایجان دونیادا قوندارما ائرمنی میفینی داغیتماقدا‌دیر”
گون.آز-این آبش-دا یاشایان گونئی آزربایجان سوسیال و مدنیت آراشدیرما‌لار مرکزی‌نین و آذربایجان میللی دیرنیش حرکاتی‌نین صدری، پولیتولوق داوود تورانلا موصاحیبه‌سی:
– داوود بی، سون ایللر آبش شتات‌لاری طرفین‌دن خوجا‌لی سویقیریمی‌نین تانینماسی پروسئسی گئدیر. بو مسئله ایله باغلی فیکیرلرینیزی بیلمک ماراق‌لی اولاردی…
– بو کیمی قرارلارین قبولو دونیادا خوجا‌لی حادثه‌سینی سویقیریمی فآکتی کیمی تانینماسینا بؤیوک یول آچیر. ائرمنیستان و ائرمنی لوببی‌سی فرقینده‌دیر کی، اونلارین قوندارما میفی داغیلماقدا‌دیر و بو مسئله‌ده آزربایجان دؤولتی اوغورلو مانورلر ائتمکده‌دیر. سیستئملی تبلیغات واسطه‌لری اؤز موثبت نتیجه‌سینی وئرمکده‌دیر.
آرتیق دونیا بیرلیگی یاخشی درک ائدیر کی، اصل سویقیریمی خوجا‌لیدا یاشانیب و یوزلرله اینسان اؤلدورولوب، میندن چوخ اینسان ایسه اسیر گؤتورولوب. اورادا بیر دیار محو ائدیلیب.
اؤزو ده معاصر دونیانین گؤزو قارشی‌سیندا. بو حادثه‌لره قیمت وئرمیین زامانی‌دیر. حساب ائدیرم کی، بو کیمی قرارلارین قبول ائدیلمه‌سی خبرلرینی چوخ ائشیدجییک. آزربایجان دونیادا قوندارما ائرمنی میفینی داغیتماقدا‌دیر.
اوسته‌لیک، بو م.ضوددا دانیشارکن آمئریکا-آزربایجان علاقه‌لری‌نین اینکیشافی موستوه‌سین‌دن ده دیرلندیرمک لازیم‌دیر. بو علاقه‌لر سرعتله اینکیشاف ائتمکده‌دیر و ایکی اؤلکه آراسیندا موناسیبت‌لر ایستراتئژی سویه‌ده‌دیر.
– آبش-این جنوبی قافقازدا فعاللاشماسی گؤزلنیلندیرمی؟
– آمئریکا هر زامان بؤلگه‌ده فعال اولماغا چالیشیب. نظره آلماق لازیم‌دیر کی، روسیانین بؤلگه‌یه تأثیر ایمکان‌لاری گئنیش‌دیر و بونا گؤره ده واشینقتون داها احتیاط‌لی، بالانس‌لی سیاسی کورسا اوستونلوک وئریر.
چونکی روسیا-گورجوستان محاربه‌سین‌دن سونرا، بؤلگه‌یه باخیش دییشدی. اونا گؤره روسیا فاکتورونو نظره آلماماق مومکون دئییل.
اوسته‌لیک، روسیانین بو بؤلگه ایله باغلی یوز ایللردن چوخ‌دور کی، تاریخی-سیاسی و مدنی-اقتصادی علاقه‌لری وار. اما بونونلا یاناشی آمئریکانین قافقازدا سیاسی-اقتصادی ماراق‌لاری وار.
– واشینقتونون داغ‌لیق قاراباغ مسئله‌سی‌نین حلینده فعاللیغی ایستنیلن سویه‌ده دئییل. سیزجه، بو نه ایله علاقه‌دار اولا بیلر؟
– بو گون دئمک اولماز کی، واشینقتون موناقیشه‌نین حلینده فعاللیغی ایستنیلن سویه‌ده دئییل. مسئله‌یه بو سویه‌ده یاناشماق دوزگون اولماز.
واشینقتون بؤلگه‌ده صولحون یارانماسیندا ماراق‌لی اولان دؤولت‌لردن بیری‌دیر. نظره آلماق لازیم‌دیر کی، آتت مینسک قروپونون همصدر دؤولت‌لرین‌دن بیری‌دیر.
آبش-دان باشقا ایکی همصدر دؤولت وار. آمئریکا تشببوس‌لر گؤستریر. اما بورادا موباهیسه‌لی مسئله‌لر اولدوغو اوچون، بو تشببوس‌لر اؤز یئرینده قالیر.
همچینین، آبش طرف‌لری مجبور ائده بیلمز. آمئریکادا یاخشی درک ائدیرلر کی، قاراباغ مسئله‌سی‌نین حلی آمئریکانین بؤلگه‌ده مؤوقئ‌لری‌نین آرتماسینا سبب اولا‌جاق.
ائلنور ائلتورک
گون.آز
