بابک چلبیانلی: سانکسییالارین آزربایجان بؤلگه‌لرینه ایقتیصادی تاثیرلری داها بؤیوک اولوب
دونیا قودرتلری و ایران آراسیندا ایچوئچره‌نین لوزاننا شهرینده نووه پروقرامینا دایر دانیشیقلاردا ایلکین راضیلیغین الده ائدیلمه‌سی ایران وطنداشلاری طرفیندن بؤیوک نیکبینلیکله قارشیلانیب. چوخلاری سانکسییالارین یونگوللشدیریلمه‌سینین عادی اینسانلارین حیاتینا یئنیلیک و موثبت دییشیکلیکلر گتیره‌جگینه اینانیر. آذربایجان میللی دیره‌نیش تشکیلاتینین سؤزچوسو بابک چلبییانلی آمئریکانین سسینه موصاحیبه‌ده ایراندا یاشایان آذربایجانلیلارین دا ایرانا قارشی سانکسییالارین یونگوللشدیریلمه‌سینین موثبت تاثیری اولاجاغینی دوشوندویونو بیلدیریب. لاکین او، عئینی زاماندا خبردارلیق ائدیب کی، ایران نووه پروقرامینی اینکیشاف ائتدیرمه‌یه داوام ائتس، بو، رئگیون اوچون تهلوکه‌لی نتیجه‌لره گتیریب چیخارا بیلر.
“ایران خالقی، غئیری-فارس میلتلری بو مسله‌یه نیکبینلیکله باخیر، چونکی بو سانکسییالارین ضربه‌سی و زییانی دؤولتدن داها چوخ عادی اینسانلارا دییب”-بابک چلبییانلی
بابک چلبییانلی بیلدیریب کی، ایرانا قارشی بین الخالق سانکسییالارین قالدیریلماسینین مومکونلوگو آذربایجانلیلار طرفیندن موثبت اینکیشاف کیمی قبول ائدیلیر. او، سون زامانلار سانکسییالارین تاثیریندن ازیت چکن عادی اینسانلارین ایقتیصادی دورومونون پیسلشدیگینی قئید ائدیب. “ایران خالقی، غئیری-فارس میلتلر مسله‌یه نیکبینلیکله باخیر، چونکی بو سانکسییالارین ضربه‌سی و زییانی دؤولتدن داها چوخ عادی اینسانلارا دییب. دؤولت بو سانکسییارلاردان بیر او قدر ضرر گؤرمور، آما ساده وطنداشلارین ایقتیصادی و معیشت دورومونا اونلارین بؤیوک تاثیری وار. خالق مثلاین بیر یوللا دوزلمه‌سینی، اونلارین معیشتی و ریفاه حالینین یاخشیلاشماسینی ایسته‌ییر. خالق آراسیندا بئله بیر گؤزلنتی وار.”
ویدئو
“آذربایجان بؤلگه‌لرینده دؤولتدن چوخ خالق یاتیریملار یاتیردییغی اوچون بو سانکسییالارین تاثیری باشقا بؤلگه‌لردن داها چوخ اولوب.”-بابک چلبییانلی
سانکسییالارین ایرانین آذربایجان ویلایتلری و شهرلرینه تاثیریندن دانیشان بابک چلبییانلی آذربایجان بؤلگه‌لرینده اونلارین تاثیرینین داها چوخ اولدوغونو قئید ائدیب: “بیلیرسینیزمی، شرقی آذربایجاندا دؤولت ستاتیستیکاسینا گؤر، سرمایه یاتیریملارینین ۹۷ فایزی دؤولت طرفیندن دئییل، عادی وطنداشلار طرفیندن ائدیلیب. قربی آذربایجاندا، اردبیلده ده وضعیت عئینیدیر. ینی آذربایجان بؤلگه‌لرینده دؤولتدن چوخ خالق یاتیریملار ائتدیگی اوچون بو سانکسییالارین تاثیری باشقا بؤلگه‌لردن داها چوخ اولوب. فابریکلرین چوخو، اؤزلرینین دئدیگینه گؤر، تخمینن ۷۰ فایزی ایفلاسا اوغراییب. ایشچیلر یاریم ایل، بیر ایل، ایکی ایل ماعاشلارینی آلا بیلمیر. اونلار اعتیراض ائدیرلر کی، شیرکتلر ماعاشلاری وئره بیلمیر. اینفلاسییا آرتیب، باهالیقدیر. عاییلهلر وار کی، بیر کیلو ات آلا بیلمیر. ایقتیصادی دوروم اینسانلارین حیاتینا، گونده‌لیک یاشامینا چوخ بؤیوک تاثیر گؤستریب.”
بابک چلبییانلی آذربایجانلی ایش آداملاری و صاحیبکارلارین خاریجی اؤلکه‌لرله بیزنئس و تیجارت علاقه لرینده چتینلیک چکدیگینی بیلدیریب. اونون سؤزلرینه گؤر، ایران بانکلارینا سانکسییالار تطبیق ائدیلدیگینه گؤر، هم خاریجدن ایرانا، هم ده اؤلکه‌دن خاریجه پول کؤچورمه‌لری و مالیییه عملیاتلارینین آپاریلماسی قارشیسیندا بؤیوک چتینلیکلر یارانیب و بو، ایلک نؤوبه‌ده ایش آداملاری و طلبه‌لره تاثیر گؤستریر.
“ایراندا اینسان هاقلاری ساحه سینده پروبلئملر وار. اعداملار گون-گوندن آرتیر، حبسلر آرتیر، اینسانلارین سؤز و ایفاده آزادلیغی پوزولور”-بابک چلبییانلی
بابک چلبییانلی دئییب کی، قرب ایندییه قدر دیقتینی اساس اعتیباریله ایرانین نووه پروقرامینین قارشیسینین آلینماسینا یؤنلدیب. “من اینانا بیلمیرم کی، بو مسله‌ده آنلاشما اولسا، ایران و قرب، یاخود آمئریکا آراسیندا یاخینلاشما اولاجاق. ایراندا اینسان هاقلاری ساحه سینده پروبلئملر وار. اعداملار گون-گوندن آرتیر، حبسلر آرتیر، اینسانلارین سؤز و ایفاده آزادلیغی پوزولور، اینسانلار مدنی حوقوقلاردان محرومدور.”
بابک چلبییانلی ایران و دونیا قودرتلری آراسیندا الده ائدیلن راضیلیغین دونیانین دیقتینی ایرانین داخیلی پروبلئملرینه یؤنلده‌جگینه اومید بسله‌دیگینی بیلدیریب.
