آزربایجان میللی دیره‌نیش تشکیلاتینین گنج‌لر قولونون آنا دیلی گونو ایله مئساژی
عزیز و حورمتلی میللتیمیز؛ گنج‌لییمیز بیزیم میللی حرکتین اساس قولودور بوتون حرکتلرده خصوصی اولاراق وطن و کیملیک اوستونده قورولان حرکتلرده، گنجلرین انرژی‌سینه و گوجونه احتیاج دویولور.
عسگرلیک و یا سربازلیق دورو بوتون دونیادا ۱۸ ـ ی بیتیردیقدان سونرا باشلاییر. بو او دئمک دیر وطن گنجلرین ان گوجلو، حیس‌سی‌لی و انرژی‌لی زامانلارینا احتیاجی وار .
دئمک ایسته ییره‌م بیز گنج‌لر آزربایجانیمیزین، دیلیمزین و کولتوروموزون اوغروندا بوتون گوجوموزله موباریزه آپارمالییق. مدنی داورانیشلاریمیزلا برابر، دوشونجه آلانیمیزی گئنیشلندیرمه لییک. اوز زامانیمیزین اولادی اولدوغونو اونوتمایاراق، اوز زمانیمیزن ایستکلری ایله اویغون بیر یول ترسیم ائتمه لییک.
دمکراسیا، آزادلیغا، بوتون دونیا انسان‌لارینا وئره‌جه‌ییمیز بیر چوخ تکلیف‌لریمیز وار. بیز اودلار یوردونون اوشاقلارییق. اومودوم سارسیلماز قدرتی، گنجلرین بیلک‌لرینده و بیین‌لرینده‌دیر .
آزربایجانین بیر بویوک تکلیفی وار گنجلریمیزه، آرتیق سیاسی دوروموزا چکی دوزن وئرمک زامانی گلیب. اسارتین، سانسورون، ظلمون قارانلیغیندان قورتولوش سحرلرینه یولا دوشمه لییک.
بو یورش دوشونجه ایله باشلاییر، دوشونجه ایسه دیل ایله باشلانیر، دونیا آنا دیلی گونو همین فلسفه‌نین داوامی دیر آنا دیلمیزی قوروماق کولتوروموزو، کیملیگیمیزی قوروماق دئمک دیر، آنا دیلیمیز بیزیم شخصیت وثیقه میزدی، کیملیک کایدیمیزدی، خالقین عنعنه لری، دب‌لری، وارلیغی، آنا دیلینین واسیطه‌سی ایله قورونوب ساخلانیر.
بیز دیلیمیزن آزادجاسینا یازیلیب اوخونماسی اوچون الیمیزده‌ن گلن بوتون مدنی، کولتورل و سیاسی یوللاری دئنه‌مه‌لییک اونون اوچون بوتون گنج‌لریمیز آنا دیلی اوغروندا داها ییغجام شکیلده اعتیراض‌لارینی هیجان‌لارینی گوزله ییریک.
یئری گلمیشکن آنا دیلی اوستونده توتولان گنج‌لریمیزین ایگیدلریمیزده آزادلیق ایسته‌ییریک، اونلار گنجلریمیزن ان گوزه‌ل اورنک لری دیر .آنا دیلی گونونو آنا دیلینی قورویان هر کسه تبریک دئییریک.اولو شهریار دئمیشکن:
تورکون دیلی تک سئوگیلی ایستک لی دیل اولماز ـ اوزگه دیله قاتسان بو اصیل دیل اصیل اولماز
آزربایجان میللی دیره‌نیش تشکیلاتی
گنج‌لر قولو
