اوستاد پرویز یکانی زارع خوی شهرینده آغیرلانیب – شکیللر
![اوستاد پرویز یکانی زارع خوی شهرینده آغیرلانیب – شکیللر اوستاد پرویز یکانی زارع خوی شهرینده آغیرلانیب – شکیللر](https://www.araznews.org/fa/wp-content/uploads/2015/01/IMG_6218-1.jpg)
باتی آزربایجان خوى شهرینده اوستاد پرویز یئکنلى (یکانی) -ییه آغیرلاما تورنی گیچیریلیب. آرازنیوزا گلن خبرلر اساسن مراسیمده خوى فرماندارى، ایرشاد و آموزش پرورش ایداره باشقانلارى و هابئله بهروز نصیری، علیرضا ذیحق، دکتر حمید سفیدگر شهانقی اوستاد یاشامى و یاردیجلیغى حاقیندا دانشیقلار آپایبلار.
داها سونرا صاحب دل شعر اوخویوب و لاچین موسیقى قوروپو ریضا اوغلو رهبرلیگى ایله آزربایجان موسیقى إیفا ائدیلیبدیر. مراسیم خالق و آزربایجان میلى فعالارینین قاتقیسى ایله موحتشم گئچیریلیب. آدلارى داها اونجه دانیشانلار سیراسیندا اولان بئیلر موهندیس صرافی و محمد رحمانى امنیتى اورقانلارى طرفیندن چیخیشلارى انگللنیب.
اوستاد پرویز یئکنلى امکلى یونیو سیته اویرتمنى، یازار و آزربایجان تاریخ و فولکلور آراشتیرماجیسیدیر او ٢٠٠دن چوخ بیلیمسل مقاله ایران و اولوسلار آراسى درگلرده یایملاییب و ۲۵ جیلد کیتابی یاییما حاضییردیر.
پرویز بئى یئکنلى مرحوم نورالله خانین تورونودور، نورالله خان ستارخانین سیلاحداشى و آزربایجان میلى حوکومتى دونمینده ایچ ایشلر باخان یاردیمجیسی گوروینی آلمیشدیر.