تورکييه‌ده 2002-جي ايلدن بو يانا تک باشينا ايقتيدار اولان آ.ک.پ، 14 آوقوست 2001-جي ايلده رجب طیّب اردوغانين ليدئرليگينده قورولدو. آ.ک.پ، 1972-جي ايلده قورولان و نجم الدّین اَربَکانين ليدئرليگيني ائتديگي ميللي سلامت پارتيياسينين آرديندان، ميللي گؤروش حرکتيني تمثيل ائدن ريفاه پارتيياسي و فضيلت پارتيياسينين يئنيليکچي واريثي اولاراق اورتايا چيخدي .
اردوغان، پارتييانين قورولوش ايشلرين، اوخودوغو بير شعردن گؤره آلديغي حبسده اولدوغو زامان باشلادی. فضيلت پارتيياسينين 2000-جي ايلد، ريفاه پارتيياسينين داوامي اولدوغو سببييله باغلانيلماسينين آرديندان، پارتييانين ايچينده‌کي يئنيليکچي قاناد يئني سياسي پارتييا آختاريشينين پارچاسي اولدو.
اردوغان حبسدن چيخديقدان سونرا ميللي گؤروشون يانيندا، فرقلي فيکيرلردن اينسانلاري بير آرايا گتيره‌جک بير سياسي پارتييا قرارگاهي هدفلدي. آرالاريندا عبدالله گول، بولنت آرينچ، عبداللطیف شنر، جميل چيچک، عبدالقادیر آکسو و حاياتي يازيجي کيمي آدلارين ايشتيراک ائتديگي قروپ، آنادولونون فرقلي بؤلگه‌لرينده يئني مئيدانا گلمه اوچون خالقين نبضيني يوخلاماغا باشلادي.
بو يئني مئيدانا گلم، اوزون سورن پلانلاشديرما پروسه ينين سونوندا، 14 آوقوست 2001-جي ايلده پارتييانين قورولدوغونو اعلان ائتدي. پارتييا ايچينده ميللي گؤروشون يئنيليکچي عضولرينين يانيندا، خوصوصيله مرکز ساغ و آنا وطن پارتيياسي منشالي آدلار ايشتيراک ائتدي. يئني خطيني موحافيظه کار-دئموکرات اولاراق تعيين ائتدي. پارتييانين 16 آوقوست 2001-جي ايل ايلک عومومي کونقرئسينده اردوغان عومومي باشچي سئچيلدي.
بو دؤورده ايقتيداردا ياشانان سياسي بؤحران و ايقتيصادي بؤحران سببي ايله، آک پارتييا، 2002 عومومي سئچکيلري اوچون قيسا مودت ايچينده سورغولاردا اؤنه چيخان پارتييا مؤوقعينه گلدي.
سئچکيلردن 10 گون اول، دؤورون يارقيتاي باش پروکورورو سابيیه کاناداوغلو، “سياسي پارتييالار قانونونو پوزدوغو سببي ايله آ.ک.پ-نين باغلانيلماسي ايسته ييله ايديعا آچدي.
آنجاق ايديعايا باخماياراق قورولوشونون اوزريندن تخمينن 14 آي کئچديکدن سونرا 3 نويابر 2002 تاريخينده ائديلن عومومي سئچکيلرده ايشتيراک ائدن آ.ک.پ، يوزده 34.29 سسله تک باشينا ايقتيدار اولدو.
ايش باشينا گلديکدن سونرا ايقتيصادي اينکيشافا آغيرليق وئرن پارتييا، بو ساحه ده اهميتلي بير ايره‌ليله‌مه تامين ائتدي. 2001 ايقتيصادي بؤحرانينين تاثيرلري زامانلا ايشسيزليکده ائنيش ياشاندي.
ايقتيصادياتدا تامين بو ايره‌ليله‌مه سونراسيندا آک پارتي، 2004-جو ايلده ائديلن يئرلي سئچکيلرده ده صانديقداکي مووفقيتيني داوام ائتديردي.
پارتييا، کريتيک سئچکيلرده سس نيسبتيني يوزده 42 یه يوکسلده‌رک، ايستانبول، آنکارا و آدانا کيمي اهميتلي شهرلرده بله‌ديييه باشقانليقلاريني الده ائتدي. اوست-اوسته ايکينجي سئچيمي ده قازانديقدان سونرا ايقتيصاديات و خاريجي سيياست آغيرليقلي سيياستيني داوام ائتديردي.
بو مودتده دونيويليک موذاکيره‌لري، سيياستده عسگرين رولو کيمي موضوعلار، پارتييانين خوصوصيله ايلک دؤورونده تئز-تئز گوندمه گلدي؛ آ.ک.پ بو موضوعلاردا سيخ شکيلده تنقيد اولوندو.
سياسي طرفلر آراسينداکي گرگينليک 2007-جي ايلده ان اوست نقطه‌يه چاتدي. گئنيش ايشتيراکلا فرقلي شهرلرده کئچيريلن رئسپوبليکا ميتينقلرينده حؤکومته سرت رئاکسييا گؤستريلرکن، اردوغان و عبدالله گولون پرئزيدئنت ناميزدليگينه قارشي چيخيلدي.
عئيني ايلکي عومومي سئچکيلر اولينده 27 آپرئل تاريخينده باش قرارگاه باشچيليغينين اينتئرنئت سايتيندا حؤکومته قارشي نشر بيلديري سئچکيلري فرقلي بير اؤلچويه داشيدي.
اردوغان ليدئرليگينده آ.ک.پ، بو گرگين موحيطده 22 اييول 2007-جي ايلده‌کي عومومي سئچکيلرده ده قلبه قازاندي و اويلاريني يوزده 47 یه يوکسلتدی.
2007-جي ايلده‌کي سئچکي ظفرينين آرديندان دا دونيَويليک موذاکيره‌لري داوام ائتدي. 2008-جي ايلده دونيَويليک عليهداري حرکتلرين مرکزي اولدوغو سببييله آ.ک پارتييانين باغلانيلماسي ايستگييله ايديعا آچيلدي.
يارقيتاي رئسپوبليکا باش پروکورورو عبدالرحمان يالچين کايا، باغلانيلماسي و باش ناظير اردوغان باشدا اولماق اوزره، پرزيدنت عبدالله گول داخيل 71 آدامين 5 ايل مودت ايله سيياستدن اوزاقلاشديريلماسي ايسته ييله حاضيرلاديغي ايديعانامه‌يه کونستيتوسييا محکمه‌سينه تقديم ائتدي.
محکمه، 30 اييول 2008 تاريخينده آچيقلاديغي قراريندا، پارتييانين باغلانيلماسيني 5-ه قارشي 6 سسله رد ائتدي، آنجاق خزينه يارديمينين معين بير نيسبتده کسيلمسينه حؤکم ائتدي.
2008-جي ايلين باغلاما ايديعاسي خاريجينده‌کي ديگر اهميتلي اينکيشاف باشدا آمریکا اولماق اوزره چوخ سايدا اؤلکه‌ني تاثير قلوبال ماليييه بؤحران اولدو.
بؤحرانين تاثيرلري تورکييه‌يه ديقته چارپان بير شکيلده يانسيمادي، آنجاق 2009 يئرلي سئچکيلره سؤز مؤوزوسو بؤحرانين کؤلگه‌سي آلتيندا گئديلدي. آک پارتي بو سئچکيده، داها اول داوام ائتديرديگي سس آرتيميني ايتيردي و سئچکي نتيجه‌لرينه گؤره سسلرين يوزده 39-آ چاتدي.
بونا باخماياراق ايقتيدار پارتيياسي، سئچکيلرده بيرينجيليک عنوانيني قورويارکن، بؤيوک شهيرلرده کي بَله‌ديييه‌لري ده قوروماغي باجاردي. آ.ک.پ، 2010-جو ايلده بعضي آنایاسا دييشيکليکلريني نظرده توتان پاکتي گوندمه گتيردي. آنایاسا محکمه‌سي و حاکيم و پروکورورلار يوکسک ايداره‌سينين قورولوشونو دييشديرن، آنایاسا محکمه‌سينه فردي موراجيعت حاقي گتيرن، عسگرلرين مولکي محکمه‌ده يارقيلانمالاريني تامين ائدن و داها بير چوخ دَييشيکليک احتيوا ائدن پاکت رفراندومدان يوزده 58 سَسله کئچدي. سئنتيابر 2012-جي ايلده، ايکي ايلليک سياسي کئچميشي اولان خالقين سَسي پارتيياسي ، آ.ک.پ-يه قوشولما قراري آلدي.
2013-جي ايلده‌کي گَزي پارکي حرکتلري آک پارتييا ايقتيدارينين قارشيلاشديغي ان بؤيوک ايجتيماعي حرکت اولدو.
اردوغان ليدئرليگينده‌کي آ.ک.پ، داها اول اؤزونه دستک وئرن گولَن جاماعاتي ايله 2012-جي ايلدن اعتيباراً آيريشمايا باشلادي. حؤکومت ايله جاماعات آراسينداکي دؤيوش 17 دئکابر 2013 سوء ايستيفاده و روشوت عملياتييلا ياخشيجا سو اوزونه چيخدي. اردوغان و آک پارتييا، عملياتي “سوء قصد” و “ضربه جهدي” اولاراق خاراکتئريزه ائتدي. جاماعاتي ده دؤولت ايچينده “پارالئل قورولوش” اولاراق آدلانديريلان اردوغان، حؤکومت اولاراق بو قورولوشلا سونونا قدر موباريزه ائده‌جکلريني سؤيله‌دي. بو دؤورده آ.ک.پ-دن يئددي ميلت وکيلي ايستعفا ائتدي.
آک پارتي، حؤکومت-جاماعات دؤيوشو کؤلگه‌سينده گئديلن 30 مارت 2014 يئرلي سئچکيلرينده يوزده 45 سس آلاراق يئنه بيرينجي چيخدي. 2014-ده کي پرئزيدئنت سئچيمي آ.ک.پ اوچون يئني بير دؤورون باشلانغيجي اولدو. آک پارتي عومومي باشچيسي و باش ناظير طیّب اردوغان، 10 آوقوستدا ائديلن ايلک توردا يوزده 51،8 سس آلاراق تورکييه‌نين خالق طرفيندن سئچيلن ايلک پرئزيدئنتی اولدو.
آک پارتي رهبرليگي، اردوغانين پرئزيدئنت سئچيلمه‌سينين آرديندان يئني عومومي باشچي سئچيمي اوچون فوق العاده کونگره قراري آلدي. اردوغان، 21 آوقوستدا ائديلن مرکز ايداره مجليسينين آرديندان يئني عومومي باشچي و باش ناظير نامزه‌دينين خاريجي ايشلر ناظيري و قونیه ميلت وکيلي احمد داووداوغلو اولدوغونو آچيقلادي. داووداوغلو، 27 آوقوستدا ائديلن کونگره تک ناميزد اولاراق گيردي، اعتيبارلي 1382 اويون هاميسيني آلاراق آک پارتي نين ايکينجي عومومي باشچيسي اولدو.

کؤچورن: آرازنیوز آراشدیرما مرکزی اَمَکداشلاری