بابک چلبیانلى:٢١ آذر گونئى آزربایجان “میللى دولتچیلیک گونو” موباک اولسون
٢١ آذر ١٣٢۴ آزربایجان دموکرات فرقاسى “سید جعفر پیشه ورى” اوندرلیگینده گونئى آزربایجاندا ایلک میلى حوکومتى قورولوب.
تاریخ بویو اوز دولت و بایراغى آلتیندا یاشایان گونئى آزربایجان تورکلرى ارتجاعیلر و پهلوى رژیم طرفیندن حکومتدن اوزاخلاشدیریلدیقلاریندان بویانا اوز میلى موقدراتلارینى بلیرلمک و باغیمسیزلیقلارى یولوندا هئچ بیر زامان موباریزه دن واز گئچمئیبلر، بونو ان بلیرگین اورنگى ٢١ آذر ١٣٢۴ اینجى ایلده آزربایجان میلى حوکومتینین قورولماسیدیر.
٢١ آذر حرکاتى عیرقیچى فارسچیلیق مفکوره سى قارشیسیندا آزربایجان تورکلرین اوز میلى إیراده سینین گوسترگسیدیر.
بئله لیکله ٢١ آذر حرکاتینین ۶٩ ایل دونومونده وطن و میلت یولوندا جانلارینى فدا ائدن شهیدلریمیزین قارشیسیندا باش ائیر و بو گونو باشدا میلت، وطن و آزادلیق یولوندا اوز آزادلیقلاریندان محروم اولان و حاضیردا ایران رژیمینین زیندانلاریندا محبوس اولان عزیز میلى فعالارا و باش اوجا آزربایجان تورک میلتینه تبریک ائدریم.
اوردا بیر یول وار اوزاقدا
او یول بیزیم یولوموزدور
دونمسکده وارماسقدا
او یول بیزیم یولوموزدور
آزربایجان میلى دیرنیش تشکیلاتینین سوزجوسو
بابک چلبیانلى
٢١ آذر ١٣٩٣
