تورک ویزیون فینالی گرچکلشدی
![تورک ویزیون فینالی گرچکلشدی تورک ویزیون فینالی گرچکلشدی](https://www.araznews.org/fa/wp-content/uploads/2014/11/1114859735trkvizyon.jpg)
ایکینجی اولوسلارآراسی تورکویزیون ماهنی یاریشماسینی قازاق صنعتچی دوگالووا قازاندی. روسیا فدراسیونونا باغلی تاتاریستانین باشکندی قازاندا تشکیل ائدیلن یاریشمانین فینالیندا، ژانار دوگالووا 205 پوئنله بیرینجی، “آتلار قاچیر” ماهنیسی ایله تاتاریستانی تمثیل ائدن آیدار سلیمان ایسه 201 پوئن آلاراق ایکینجی اولدو.
یاریشمادا درجهیه گیرنلری، تاتاریستان پرزیدنتی رستم میننیحانوو، تورکسوی باش کاتیبی دوسن کاسیینوو و تورکمنیستان مدنیت باخانی آناگلدی گارادژاییو قوتلادی. یاریشمانی، تورکسویون 32.جی دؤنم توپلانتیسی اوچون قازانا گلن تورکسویا عضو اؤلکهلرین مدنیت باخانلاری و مینلرجه انسان ایزلهدی. گئچن ایل اسکیشهرده دوزنلنن یاریشمادا ایسه بیرینجیلیک آذربایجانین اولموشدو.
گونئی آزربایجاندان قاتیلان باریش قروپو بو یاریشمادا فینالا گئچدیگدن سونرا اون اوچونجو اولدو. باریش قروبونون حیدربابا ماهنی سی سوسیال مئدیادا گئنیشلیکله یئر آلدی.