آزربایجان میلی دیر‌نیش تشکیلاتی خاریج قولو تشکیلاتین اساسنامه سینه اویغون اولاراق هر ایل داخیلی سئچکیلرله یئنیلنمکده‌دیر. کئچن ایللر کیمی، ایچینده بولوندوغوموز ۲۰۱۴ ایلی آ.م.د.ت. خاریج قولو داخیلی سئچکیسی حایاتا کئچیریلمیش و یئنی یؤنتیم تعین ائدیلمیشدیر.

آ.م.د.ت. خاریج قولو سئچیلن یئنی یؤنتیم یئتکیلیلرینی بو وسیله ایله آزربایجان تورک میلتی ایجتیماعیاتینا سایغی ایله بیلدیریلیر؛ آ.م.د.ت. خاریج قولو ان یوکسک قرار مرجعی اولان مرکزی کومیته طرفیندن ایداره اولونور و بو کومیته قرارلارینی سس چوخلوغو ایله قبول ائدیر.
جناب بابک چلبیانلی داخیلی سئچکی یولو ایله آ.م.د.ت. سؤزچولوغو گؤروینه تعین ائدیلمیشدیر.آ.م.د.ت. خاریج قولو و بو واسیطه ایله آزربایجان میللی دیر‌نیش تشکیلاتی نین تامامینی آزربایجان و دونیا ایجتیماعیاتیندا تمثیل ائد‌جک تمثیل یئتکیلیلری آشاغیدا قئید اولدوغو کیمیدیر:
سؤزچو؛ سایین بابک چلبییانلی
بین الخالق علاقه لر سوروملوسو؛ سایین کریم اصغری
آراشدیرما کومیته‌سی صدری و تشکیلات خبر اورقانی باش کاتیبی؛ سایین بابک شاهید
خاریجی دیللر سرویسی سوروملوسو؛ سایین آیدین سلیمی
گنجلر قولو صدری؛ سایین وحید بهادری
آ.م.د.ت. بیرینجی دبیرلیک وظیفه‌سینده بیر ایللیک گؤرو سوره‌سی تاماملانان جناب داوود تورانین بو گؤروده‌ کی مسئولییتی سونا ارمیشدیر. بو وسیله ایله گؤرو سوره‌سی سونا واران سایین داوود تورانا بو مودت ایچینده آزربایجان میللی حرکتی و تشکیلاتیمیزا وئردیگی تایسیز قاتغی و امکدن دولایی تشککور ائد‌رک، تشکیلاتیمیز چرچوه‌سینده بوندان سونراکی گؤرولرینده باشاریلار دیله‌ییریک. هابئله تشکیلاتیمیزین یئنی تمثیل یئتکیلیلرینه اوغورلار دیله‌ییریک.
آزربایجان میلی دیر‌نیش تشکیلاتی اولاراق آزربایجان تورک میلتینین قورتولوش موجادیله‌سینه اولان تعهدوموز و خالقیمیزین اؤز مقدراتینا حاکیم اولونجایا قدر بو یولا سارسیلمادان و یورولمادان دوام ائده‌جگیمیز آندیمیزی بیر داها میلتیمیزین حضوروندا یئنیله‌ییریک.
قوی تاریخ میلت فدایی لرینین حاقیندا قضاوت ائتسین.

آزربایجان میلی دیرنیش تشکیلاتی خاریج قولو مرکزی کومیته‌سی
۱۷/۰۸/۲۰۱۴