آتاتورک، رسولزاده حاقیندا نه دئییر؟
![آتاتورک، رسولزاده حاقیندا نه دئییر؟ آتاتورک، رسولزاده حاقیندا نه دئییر؟](https://www.araznews.org/fa/wp-content/uploads/2014/10/7281151mehmeteresulzade.jpg)
باکی دؤولت اونیورسیتهسینین پداگوگو و مطبوعات آراشدیرماچیسی پروفسور شیرممد حسیناوو دئییر:
1988.جی ایلده سووئت قازئتهچیلری ایله تورکیهیه گئتمیشدیم. بیزی آپاردیلار تورکیهنی باشدان آیاغا گزدیردیلر. گتیردیلر استانبولا دولماباغچا سارایینا. گیردیک آتاتورکون ائوینه. اونون ایش اوتاغینا. ایچرده گؤردوم کی چوخلو کیتابلار وار. بیزه مشایعت ائدن ایشچیدن سوروشدوم: او کتابلار ایچرسینده آذربایجانا دایر بیر اثر وار می؟ بیر کتاب وار دئدی. نهدیر دئدیم؟ آذربایجان جمهوریتی ممد امین رسولزاده دئدی. اونا باخماق اولار می؟ دئدیم.
چیخاردی کتابی منه وئردی. عرب الفباسیندا. باخدیم گؤردوم یانیندا قیدلر وار. عرب الفباسیندا، آتاتورکون قیدلری. دئدیم: بو کتابی اوخویاندان سونرا آتاتورک بو کتاب حاقیندا، بو مؤلف حاقیندا بیر شئیلر یازمیش می؟
کتابین آرخا اوزونو آچدی، “یازمیش” دئدی. اوخو دئدیم دفتریمه یازیم!
آتاتورک (رسولزاده اوچون) یازیر: من دونیایا سندن اوچ سنه ارکن گؤز آچدیم. آنجاق بوتون تورک عالمینده تورکون جمهوریت بایراغینی ایلک دفعه سن قالدیرمیسان. بایراق ائنمهسین دئیه من سنین الیندن آلیب تورکیه اوزرینده دالغالاندیرمیشام. ائنمز دئمیسن، بو بایراق ائنمهیهجکدیر!
آتاتورک و رسولزاده تورونلارینین جمهوریت بایرامی قوتلو اولسون!