سوریه مخالفتی آمریکادا
آمریکا خاریجی ایشلر باخانی جون کری، نیویورکدا سوریه‌لی مخالیفلرله بیر آرایا گلیر.
سوریه میللی شوراسی یئتکی‌لی‌لری‌نین آمریکان رهبرلیگین‌دن سلاح کمکی سؤزونو توتماسینی ایستمه‌لری گؤزلنیلیر. مخالیف‌لرین چاتی یاپیلانماسی اولان سوریه میللی شوراسی یئتکی‌لی‌لری بیرلشمیش میللت‌لر تشکیلاتی‌نین امنیت شوراسی توپلانتیسینا قاتیلا‌جاق. سوریه‌لی مخالیف‌لر بو اؤنم‌لی توپلانتی اؤنجه‌سی ایسه آمریکا خاریجی ایشلر باخانی جون کری ایله گؤروشه‌جک.
آمریکا خاریجی ایشلر باخانلیغی طرفین‌دن وئریلن آچیقلامادا، گؤروشمه‌نین آمریکا‌نین بیرلشمیش میللت‌لر تشکیلاتی دایمی تمثیلچیلیگینده گرچکلشه‌جگی ایفاده ائدیلدی. سوریه‌لی مخالیف‌لرین گؤروشمه‌ده واشینگتون‌دان وئردیگی سلاح کمکی سؤزونو بیر درحال یئرینه یئتیرمه‌سینی طلب ائتمه‌لری گؤزلنیلیر.
سوریه میللی شوراسی یئتکی‌لی‌لری، داها سونرا دا روسیا و چینین ده قاتیلاجاغی امنیت شوراسی‌نین رسمی اولمایان کنفرانسیندا اسد رژیمینه قارشی آپاردیق‌لاری مباریزنی ایلک الدن ایضاح ائتمه ایمکانی
تاپاجاق.
تی ارتی
