آراز نیوز: سایین ارسان صالیحی، سلام و هر واختینیز خئیرلی اولسون.

اؤنجه لیکله دعوتیمیزی قبول ائدیب، دگرلی واختینیزی بیزه آیردیغینیز اوچون سیزه تشکور ائدیریک.

بیرینجی سوال اولاراق، عراق تورکمانلارینین سون دورومو ایله باغلی بیزه معلومات وئره بیلر سینیز می؟! کرکوکده، اربیلده و تورکمان ائلینین دیگر بؤلگه لرینده تورکمان قارداشلاریمیز نه لر یاشاییرلار؟

صالیحی: اؤنجه‌لیکله بؤیله بیر دعوتده بولوندوغونوز اوچون سیزه شوکرانلاریمی سونماق ایستریم. میلتیمیزین یاشادیغی زورلوقلار و چکتیگی آجیلار کیمسه‌یه گیزلی دئگیل آما نه یازیق کی آز ساییدا اینسان بو دوروما ایلگی گؤستریر. دولایسییلا سیزین کیمی “اؤز میلتینین سورنلارییلا ایلگیلنن” اینسانلاری گؤرمک گرچکدن سویندیریجی بیر شیدیر و ” آز اولسا بئله” یاشادیغیمیز بو قارا گونلرده بیزه تسللی وئریر.

بیلدیگینیز کیمی عراق دؤولتی سون زامانلاردا بؤیوک اولایلار یاشاماقدادیر. عراق دؤولتینین توپراقلارینین بؤیوک بیر قیسمی نین ایشید (داعش) میلیتانلارینین الینه گئچمه‌سی، سینیرلارینین گونسیزلیگی و پوزولماسی، اوردونون گوجسوز حالا گلمه‌سی، اکونومیک قایناقلارین پوزولماسی، سیاسی سورونلارین داها دا آرتماسی و بو کیمی سورنلارین یئنیدن داها جیددی بیر شکیلده اورتایا چیخماسی عراقلیلاری گئنل اولاراق حضورسوز حالا گتیر‌میشدیر. تورکمان ائلی بؤلگه‌سی نین عراق ایچینده بولونان بیر بؤلگه اولماسی اعتیبارییلا، یاشانان اولایلار تورکمان ائلینده یاشایان تورکمانلاری اولومسوز بیر شکیلده ائتکیله‌میش اولوب و بو گلیشمه‌لرین سونوجوندا تورکمانلار بؤیوک ایتکیلر وئردیلر. تورکمانلار جانلارینی، ائولرینی،  مال و مولک لرینی الدن وئردیلر. عراق اوردوسونون چکیپ گئتمسی ایله بیرلیکده تورکمان‌ائلینین بؤیوک بیر قیسمی یاسا دیشی سیلاحلی گروپلارن الینه گچیب و بؤلگه‌ده بولونان تورکمانلارین مقدراتی ایشید میلیتانلارین اینصافینا بوراخیلمیش و نه یازیق کی بو میلیتانلار رحمت و اینسانی داورانیشین نه اولدوغونو اؤگرنمیش دئگیللر. ایشید (داعش) آدلاندیریلان کین، نفرت و قارانلیقلا دولو اؤرگوت تورکمان ائلینین دؤرت بیر یانیندا بو اؤرگوتون حؤکوم و اوتوریته‌سینی قبول ائتمه‌ین تورکمانلار حقیندا اونلارجا قتل عام دوزنله‌دی و یوزلرجه تورکمان شهید ائدیلدی، یوزمینلرجه تورکمان کؤچ ائتمک زوروندا قالاراق ائوسیز قالدی. شو آندا تورکمان ائلینین، ایشیدین الینه گئچن ایلچه، قصبه و کؤیلریندن کؤچ ائدن تورکمانلارین ساییسی ۳۵۰ مین نفره چاتدی و نه یازیق کی بو سایی دواملی آرتماقدادیر. بو کؤچنلرین بیر قیسمی کرکوکه سیغیندی بیر قیسمی دا عراقین گونئیینه، بیر قیسمی دا سینجارین و موصولون کورد یؤنتیمی آلتیندا اولان قیسمیندا چؤللر‌ده یانلیز بوراخیلدیلار. یاشاملارینی اؤیله بیر کؤتو شرطلرده سوردورورلر کی آجلیقدان و سیجاقلیقدان اونلارجا چوجوق جان وئریب. دیگر بیر قیسمی ایسه مولتجی (قاچقین) اولاراق وطن دیشاریسینا سیغیندی. اصلینده تورکمان ائلی بؤلگه‌سی، گلیشن اولایلاردان اؤنجه بئله حضورسوز بیر آلانا دؤنموشدو. توزخورماتو باشدا اولماق اوزره بو بؤلگه‌ده سورکلی اینتیحاری سالدیریلار دوزنله‌نیردی و بو توپراقلاردا یاشایان معصوم اینسانلار بو ظالیم سالدیریلارا معروض قالاراق جان و ماللارینی ایتیردیلر. بو اولایلاری گؤره‌نین قافاسیندا سورو ایشارتلری سورکلی اولوشماقدادیر. ندن بو بؤلگه گوونسیز بوراخیلیر؟ نییه مرکزی حوکومت بو بؤلگه‌نین گوونلیغینی دیقتته آلمیر؟ عینی سی ده پئشمرگه‌نین حاققیندا سورولور. بو قدر طالیب ایسن بو بؤلگه‌یه باری گوونلیغینی ساغلا! یوخسا بو بؤلگه نی خلقسیز می ایسته ییرسن!؟ منجه گرچکدن ده اؤیله‌دیر و شونودا شؤیله آچیقلایا بیلریک:

 تورکمان ائلینین اؤنمینی بیلمه میز اوچون اؤنجه عراقین ائتنیکسل خریطه سینه باخمامیز لازیم. عراقین گونییندن باشلامیش اولورساق شیعه عربلری گؤروروک، اورتایا دوغرو سوننی عربلرر گوزوموزه چارپمایا باشلار. سوننی عربلرین اؤتسینده تورکمانلار بولونور و تورکمانلارین بولوندوقلاری یئر اعتیبارییلا، عرب بؤلگه‌سییله کورد بؤلگه‌سی آراسیندا بیر کؤپرو اولوشدورماقتادیرلار. بو کؤپرو موجود اولدوغو مودتچه عراقین پارچالانماسی چتین اولار. دولایسییلا عراقین پارچالانماسینی و کندینه بیر دولت قورماق آرزو ائدنلر اؤنجه‌دن بو کؤپرونو ییخماق ایسته ییرلر. یعنی بؤلگه نی تورکمانلاردن بوشلاتماق ایسته ییرلر. بونو یاپماق اوچون تورکمانلاری میلیتانلارلا یانلیز بوراخماقدان یاخشی بیر یول اولماز ذاتا! یازمیش اولدوقلاری آنایاسا بو اخلاقسیز داوارنیشی بونلارا ساغلاماقدادیر. بو بؤلگه ایله ایلگیلی او قدر سیاسی و ایداری سورون وار کی بعضا بؤلگه‌نین گوونلیگیندن کیمین سوروملو اولدوغو بئله بللی اولمور! سون اولایلاری بو شکیلده یوروملایاندان سونرا شیمدیکی دوروم تورکمانلاری هارا آپاراجاق؟! جان و مال گوونلیغینی ایتیرن خلقین دورومو نه اولاجاق عجبا؟! کؤچ ائدن تورکمانلار یئرلرینه بیر داها گئری دؤنرلر می عجبا؟!

 بو بؤلگه نین رسما کوردیستانا باغلی اولماسی تورکمانلار اوچون جیددی سورون دئمک! گرچکدن بو سورولاری قافا دا توتاراق ایستمه‌دن قورقونج بیر تابلو گلیر گؤز اؤنونه. آلله عراق تورکلرینین یاردیمجیسی اولسون.

آراز نیوز: سایین صالیحی، سون گونلرده تورکمان ائلینین آمیرلی قصبه سینین آدی چوخ دئیلیر. یاییلان خبر لردن بیلیریک کی مع الاسف آمیرلی قصبه سی ایشید تئروریستلرینین قوشاتماسی آلتیندادیر. یالنیر بونا رغماً ایکی آیا یاخین دیر کی آمیرلی ده کی تورکمان قارداشلاریمیز جسورجاسینا تروریستلرین قارشیسیندا دوروبلار.

اورداکی سون دوروم نه دیر؟ عراق دوؤلتی و یا پئشمرگه گوجلری آمیرلی ایله باغلی نه ایشلر گؤرورلر؟ یورد دیشیندان آمیرلی یه یاردیم اولور مو؟ بو آندا آمیرلی نین نئجه بیر یاردیما احتیاجی وار؟

صالیحی: بیلدیگینیز کیمی امیرلی قصبه سی ایکی آیدان چوخ ایشیدین قوشاتماسی آلتیندادیر و بو قصبه نین اطرافینداکی تورکمان و عرب کؤیلری تامامییلا ایشیدین الینده شو آندا. دئمک ایسته‌دیگیم ایشید امیرلی نی دؤرد بیر یاندان قوشادیب و نه یازیق کی امیرلی یه نه گیریش نه ده چیخیش یولو وار. اورادا ۲۰ مین تورکمان قوشاتما آلتیندا ایشیده قارشی دیرنیر.  بو خلقی هرکس اونوتموش و آنجاق اؤز گوجلرینه دایاناراق و اللرینده ‌کی خفیف (یونگول) سیلاحلارلا موجادله‌یه دوام ائدیرلر. امیرلی یه اینسانی و یا عسگری یاردیملار آنجاق هاوا یولو ایله مومکوندور و نه یازیق کی بو یاردیملار اولدوقجا آزدیر. دولایسییلا سورون سادجه یاردیم توپلاماق دئگیل، بو یاردیملاری نئجه امیرلی یه اولاشدیرماق دا وار! و بو ایشی یاپمامیز اوچون بیزه بؤیوک بیر گوج لازیمدیر. نه یازیق کی دونیادا یزیدیلر اوچون دویولان ایلگی تورکمانلار اوچون دویولمادی، سینجاردا یاشانان اولایلارین ایکی قاتی بشیر، باستاملی، یئنگیجه، تلعفر و دیگر تورکمان شهرلرینده یاشاندی. سینجاردا یزیدیلر حاققیندا دوزنلنن قتل عاملارین ایکی قاتی تورکمانلار حاققیندا دوزنلندی آما نه یازیق کی تورکمانلاری قورتارماق اوچون آمریکا  و دیگر بؤیوک گوجلرین حرکته گئچمه‌لرینی گؤرمه‌دیک . یزیدیلره دوزنلنن سالدیریلار البته بیزی اوزور یالنیز اؤلن تورکمان دا اینساندیر، اودا اینسان معامله‌سی گؤرمه‌لیدیر. آما بو طالیعسیز اینسانلار صیرف آمریکانین چیخارلاریندان اوزاق اولدوغو اوچون یئترینجه ایلگی بولامادی. اگر بیزیم کؤیلریمز ده اربیله و سینجار کیمی کوردیستان بؤلگه‌سینه یاخین اولسایدی بلکه بیزیم سویداشلاریمیز دا دستک بولموش اولاردیلار و یزیدیلره یاپیلان یاردیم بیزیمکیلره ده یاپیلاردی. امیرلیده یاشایان خالقیمیز هر تورلو یاردیما موحتاجدیر و اونلارا یاردیم اتمک “باشدا تورکیه و آزربایجان اولماق اوزره” تورک دونیاسینین و اینسانییت عالمینین اخلاقی بیر گؤرویدیر. تورکیه دولتیندن خالق اولاراق و حوکومت اولاراق کؤچن تورکمانلارا اینسانی یاردیم گؤندریلدی یالنیز بو اینسانلاری قورتارمامیز اوچون اونلارجا تریلی یئتمز. تورکمانلار اوچون گرچک و گوونلی بیر آلان ساغلانماسی لازیم و بودا سادجه اینسانی یاردیملا اولماز! گوج قوللانیلماسی لازیم بو قونودا تورکیه جومهوریتی نین اخلاقی گؤروینی یئرینه گتیرمه‌سی لازیم! اوماریم تورکییه‌ده میللی شعور دویغوسو داشییان لیدرلر بو گؤروی اونودمایاجاقلار.

آرز نیوز: سایین صالیحی بیلیریک کی ایشید تئرور اؤرگوتونون سالدیریلاری و عراق اوردوسونون گئری چکیلمه سی سونوجوندا بارزانی یه باغلی پئشمرگه گوجلری کرکوکو اله گئچیردیلر.

ایندی کرکوکده دوروم نئجه دیر؟ تورکمان قارداشلاریمیز دورومو نئجه دگرلندیریرلر و نه دوشونورلر؟ تورکیه دوؤلتی کرکوکون کوردلرین الینه گئچمه سینه نئجه بیر تپکی وئردی و بو تپکی تورکمان قارداشلاریمیزی تطمین ائتدی می؟ بو دورومدا کرکوکون گلجه گی نئجه اولا بیلر سیزجه؟

صالیحی: عراق اوردوسونون چکیلمه سی ایله بیرلیکده کورد سیلاحلی گوجلری داها گونئی و باتی بؤلگه لری اله گئچیردیلر. کوردلر بو بؤلگه اوستونده بغداد ایله اختیلافلی ایدی لر. بحث ائتدیگیمیز بؤلگه کرکوکو ده قاپساماقدادیر. کرکوک ائلی گونئی باتیسیندا بولونان هاویچه ایلچه‌سی خاریج تامامییلا کورد حاکیمیتی آلتیندا ساییلابیلر. باشدا بارزانی اولماق اوزره کورد لیدرلری آچیق و نئت اولاراق کرکوک بوگوندن اعتیبارا کوردیستان بؤلگه‌سینه باغلی اولدو!! ایفاده سینی قوللاندیلار. یالنیز بو اولایلار اوزادیقجا کورد لیدرلرینین خیطاب دیللری دگیشمه‌یه باشلادی. بو قونودا بیر از گیزملی اولماغا باشلادیلار. اؤزللیکله بغداددا سییاسال گلیشملردن سونرا ایستیقلال کیمی بؤیوک سلوقانلار آتماسینی بوراخدیلار سانکی. تورکمان سیاسی گروپلار دورومو ساکینلشتیرمه‌یه چالیشیرلار، چونکو سون گلیشمه لر تامامییلا یاراریمیزا دئگیل ضرریمیزه اولدو. دولایسییلا بو دوروملار نه قدر ساکین اولورسا او قدر یئیی  (یاخشی) اولار، یئیی (یاخشی) اولماسا بئله ان آزیندان بوندان داها چوخ کؤتویه گؤتورمز بیزی.

آراز نیوز: عراق تورکمان جبهه سینین باشقانی سایین ارشد صالیحی دئمیشدیلر کی آرتیق تورکمانلار اؤز سیلاحلی گوجلرینی قورماق ایسته ییرلر. بو مساله ایله باغلی بیر گلیشمه وار می؟

 صالیحی: تورکمانلار سیلاحلی تشکیلاتا صاحیب اولمادیقلاری سورجه دؤولتین گوجونه موحتاج قالاجاقلار. زیرا سینیر اؤته سیندن یاردیم گلمه‌دن حرکته گئچمه‌لری و بارزانینین ایسته‌دیکلرینه سرت و سیلاحلی تپکی وئرمه‌لری بیر آپتاللیق ساییلار. دولایسییلا ارشد صالیحی بیین میلتی سیلاحلاندیرما چاغریسیندا بولونماسی چوخ اؤنملی ایدی آما نه یازیق کی بو قونویلا ایلگیلی جیدی آدیملار آتیلمادی و بو دوشونجه نی منیمسه‌ین ده اولمادی. اصلینده بئله بیر شئی گرچکلشدیرمک سادجه میلتین حاضیر بولونماسییلا اولماز، میلتین آردیندا بؤیوک بیر گوج بولونماسی لازیم. سونوجدا بیزه سالدیران گروپلار سیرادان اینسانلار دئگیللر، ائورنسل ترور اؤرگوتو اولاراق اعلان ائدیلمیش، کی بونلاری عراق اوردوسو یئنمه‌دن چکیب گئتدی.

سون اولاراق میلتیمیزین سورونلارییلا ایلگیلندیغینیز اوچون سیزه تشککور ائتمک بوینوموزون بورجو اولدو. سیزه باشاریلار دیلریز.

آراز نیوز: بیز ده سیزدن زامان آییردیغینیز اوچون تشکور ائدیریک. الله یاردیمجینیز اولسون.