“من بیر تورکم و تورک قالاجاغام!”
باتی تراکیا تورکلرینه آدانمیش بیر عؤمور …اونلارین یولونا قویولموش بیر باش... “من بیر تورک اولدوغوم اوچون حبسه آپاریلیرام. اگر تورک اولماق بیر سوچ ایسه، بورادا تکرار ائدیرم: من بیر تورکم و ائله قالاجاغام” دئین جسور اورک!
مبارزه آدامی دکتر صادق احمد، اؤلومونون ۱۸.جی ایلدؤنومونده مزاری باشیندا آنیلدی. آرادان گئچن ایللره باخمایاراق، باتی تراکیا تورکلری، لیدئرلرینه باغلیلیقلارینی بیر سفر داها گؤستردی. صادق احمدین قبری باشیندا تشکیل ائدیلن مراسیمده، باتی تراکیانین یانیندا تورکیه و بولقاریستاندان سیاسی نمایندهلر و سیویل توپلوم هؤگوتلری لیدئرلری قاتیلدی.
باتی تراکیا تورکلری، آنما مراسیمینه بؤیوک قاتیلیملا صادق احمدین باشلاتدیغی حاق آختارما مباریزهسینین تعقیبچیسی اولدوقلارینی بیر دفعه داها گؤستردی. یاشامی بویونجا باتی تراکیا تورکلرینین حاقلاری اوچون مباریزه وئرن بیر طب حکیمی و سیاستچی اولان دکتر صادق احمد، داشیندیریجی یونان سیاستینه باخمایاراق حاقلی مبارزهسیندن وازگئچمهدی.
صادق احمد، ۲٤ جولای ۱۹۹٥ده، باتی تراکیا تورک آزینلیغینین حاقلارینین ایمضا آلتینا آلیندیغی لوزان آنلاشماسینین ۷۲.جی ایلدؤنومونده، شبههلی بیر یول قضاسی ایله یاشامینی ایتیرمیشدی. بوتون گیریشملره باخمایاراق، هله ده آوروپا بیرلیگی عضوو یونانیستاندا کیملیکلری تانینمایان باتی تراکیا تورکلری، لوزاندان قایناقلانان حاقلارینا قوووشموش دئییل.