Məlumatlı mənbələr bildirir ki, ABŞ kəşfiyyat qiymətləndirmələrinə görə, ABŞ və İsrailin geniş hücumlarına baxmayaraq İran hakimiyyəti hələ də ölkə üzərində nəzarəti saxlayır və yaxın zamanda dərhal çöküş riski görünmür.

ArazNews-un məlumatına görə, Reuters bir neçə məlumatlı mənbəyə istinadla yazıb ki, son kəşfiyyat təhlilləri göstərir ki, təxminən iki həftə davam edən hərbi hücumlardan sonra da İran İslam Respublikasının rəhbərlik strukturu böyük ölçüdə qorunub.

Hesabata görə, İran hakimiyyəti daxili vəziyyətə nəzarəti saxlayır və Sepah kimi qurumlar və digər təhlükəsizlik strukturları fəaliyyətini davam etdirir.

Məlumatda həmçinin qeyd olunur ki, İraqda yerləşən bəzi iranlı kürd silahlı qrupları da say və hərbi imkan baxımından İranın təhlükəsizlik qüvvələri ilə qarşıdurma aparacaq gücdə hesab edilmir.