٢ ايكى گون آجيليق آكسياسيندان سونرا دوكتور لطيف حسنينين ايستكلري قبول اولوندو و آجيلقا سون وئردى.
لطيف حسنى يئنى گاموح باش كاتيبى، ٢٨ ارديبهشت دن تبريز مركزى زيندانيدا سياسى محبوس لار حقوق پوزونتوسو و اونلارى باشقا محبوسلار ايله بير يئرده ساخلامالارى و هابئله اونو عايله سى ياشاديغى كرج شهرينه ترانسفر اولماسى اوچون آجيليق آكسياسينا باشلاميشدير.
دكتور حسنى بير مودت آجيليق آكسياسيندان سونرا تهران اوين حبس خاناسى و نهايت كرج رجايى شهر سوق ائديليب.
لطيف بئين حايات يولداشى اعظم پيروليكندى فيس بوك صايفاسيندا بئله يازير:
بوگون آراز آیاق اوسته هئچ دایانابیلمیردی. اؤتن گئجه هوشدان گئدیب ، یئره ییخیلیب و بهداری یه آپاریلمیشدی. بونون خبری یاییلدیقدان سونرا یوروش بی و باشقا دوستلاردان زنگ ائدیب تاکیدله خواهیش ائله دیلر بونو نظره آلاراق کی اینتیقال مسئله سی ده قبول اولونوب و آرتیق آراز بی چوخ بحرانی بیر دوروم دادیر آرازدان ایسته ییم اعتیصابین دایاندیرسین، من ایسه اونلارین ایسته یینی آرازا چاتدیردیم و آرازدان خواهیش ائله دیم دوستلارین و عایله نین نیگرانچی لیغین نظرده آلیب آرتیق اعتیصابینا سون وئرسین و آراز قبول ائله دی 52 گون دن سونرا آجلیغینا سون وئرسین.

آرازین مساژی :

57-جی ایل دئوریمیندن ، 36 ایل کئچسه ده ، یازیقلار اولسون اؤلکه قانونلاریندا بو گونه دک سیاسی جورم آنلاییشی حاقدا بیر تعریف الده ائدیلمه¬ییب، قانونلاردا سیاسی جورمون اولماماسی اساسیندا، سیاسی فعاللارین حقوقلاری کوبودجاسینا تاپدالانماقدادیر.
سیاسی فعاللارین ساختا اتهاملارلا یاخالانماسی، یاخالاندیقلاری زامان اطلاعات قوه لری طرفیندن وحشی¬¬¬جه¬سینه دؤیولمکلری، ائولرینین الک-بَلَک ائدیلیب ، شخصی وساییل لرینین اوزون سوره ضبط ائدیلمه سی، اطلاعات اداره سینین نظارت سیز اولان تجریدخانالاریندا بو فعاللارین اوزون زامان ساخلادیلماسی، ایشکنجه لرله الده اولونان ساختا اعترافلار، بو اعترافلار اساسیندا قورولان محکمه¬لرده سیاسی حؤکم لرین چیخاردیلماسی، سونوجدا ایسه حبسه معروض قالماقلاری، بوتون بو حاقسیزلیقلارین گؤستریجیسی¬دیر.
آنجاق امنیت قوه لری¬نین زندان مامورلارینا دولایی یوللارلا وئریلن گؤستریش لری اوزَریندن، سیاسی محبوسلارا حبس ده ده باسقیلار سنگیمیر.
بیر حالدا کی “دادستان کل کشور” تلفون اچماغی زیندانی یا بیر حاق کیمی تانیمادیقدا (جام جم قزئتی، ص.1، 9/2/93)، تبریز زیندانی¬نین قاضی ناظری (فاضلی نیا) “آیین نامه سازمان زندانها” نی ، دوستاقلی-نین حاققی تانیمایاجاق و دئدیگینه گؤره:
” زندانی نین حققی زینداندا جزا چکمک¬¬دیر، سیزلری عایله¬نیزین یاخینلیغیندا اولان زندانا گؤندرمه¬یی دادستان تبریز مصلحت گؤرمور”
بو ایسه او دئمکدیر کی دادستان تبریز مصلحت گؤرور کی زندانی¬نین عایله سی، 20 دقیقه لیک شوشه آرخاسیندان تلفونلا دانیشماق اوچون ، 8 ساعات اؤلکه نین تهلوکه¬لی یوللاریندان 9 ایل آیاق تؤکسون.
بوتون بو حاقسیزلیقلارا قارشی ، سیاسی محبوس اوچون تکجه بیر یول قالیر، آجلیق آکسیاسی، باشقا سؤزله شیرین جانینا قییماقدیر.
بو یولون دا نقدر محبوس اوچون تهلوکه لی اولدوغو و عایله سی و دوستلارینین ایسه روحی نیگرانچیلیقلاری¬نین اؤلچویه گلمز درجه ده اولدوغو باشا دوشولور.
باخمایاراق کی بو دورومون تئزلیکله یاخشیلاشدیریلماسینا اومیدیم یوخدور و سیاسی محبوسلاری اوزریندن امنیتی باخیشلار گؤتورولمه¬یه¬جک؛ آنجاق عایله¬مه و بوتون دوستلارا جان ساغلیغی دیله¬یه¬رک، اونلارین نیگرانچیلیقلارینا سون قویماق اوچون هله لیک اکسیامی دایاندیریرام، آنجاق بو حاقلارین پوزولماسینی گؤرونجه یئنی دن آجلیق آکسیامی باشلایاجام.
سونوندا اعتصاب سوره سی منه دستک اولان بوتون دوستلار ، میللی حرکت فعاللاری، مئدیالار (رسانه لر) عایله¬م و بوتون چتینلیکلری منله برابر یاشایان حایات یولداشیم اعظم خانیم دان، درین درین تشکور ائدیب، سایغیلاریمی سونورام.
آراز (لطیف) حسنی
رجایی شهر زندانی
93/4/17