اورمو گولو حاقيندا بويوك بئى رسول اوغلونون فيكير لرى
ايستکلي سويداشلار و حؤرمتلي دوكتور عيسى بي کلانتري، آزربايجانلي ميلت وکيللري !
شوبهه يوخدور کي، اورمو گؤلونون نجاتي، ميلتيميزين گله‌جگينين تميناتي و ياشاييشينين ساغليقليغي ايله باغلي اولدوغونا گؤره هر آزربايجانلينين اورگينين آرزوسودور. کيمليگيندن آسيلي اولموياراق بو آرزونون يئرينه يئتيريلمه‌سينده هاميميزين ال-اله وئرمه‌سي موثبت نتيجه‌لره گتيريب چيخاراجاغيدا اينکار ائديلمزدير. آنجاق، بودا آيديندير کي، ميلتين هارايلارينين يانيندا يوخاريدا آدلاريني چکديگيم سويداشلاريميزين بوينونا بؤيوک بير گؤرو دوشمکده‌دير. چونکي، ميلتين سسي کوچه‌لرده بوغولورکن بو مسئول شخصلرين سسي ائشيديلمه‌لي، سؤزو گئچمه‌لي و بو اؤلوم-قاليم ساواشيندا ميلتين يانيندا اولماسي، ميللي، ديني و اينسانيبير گؤرودير. يوخسا، اونلارين گوناهي هاميميزدان قات- قات آرتيق اولاجاقدير. اؤزلليکل، ايچلرينده آذربايجان سئوگيسي چيچکلنميش اولان “کئلانتئري” عاييلهسينه منسوبجناب در. ايسا بيين بو پروژئيئ باشچي تعيين ائديلمه‌سي دوزگون بير آدديم کيمي حساب ائديلمکده و بو دويونون آچيلماسيندا تاثيرلي اولابيله‌جگي دوشونولمکده. اونا گؤره‌ده مثلاي سياسيلشديرمه‌دن بو موراجيعتي ميلته و مئسوللارا اونوانلاييب، آشاغيدا آچيقلاديغيم بير مطبوعات کونفراسيندا جومهور باشقاني حسن بي روحاني-نين بير ايفاده‌سينه ديقت چکمک ايسته‌ييرم.
خورداد آيينين 24-ده کوتلوي اينفورماسيون واسيطه‌لري ايله گؤروش زاماني او دئدي کي، اکينچيليکله باغلي دا بؤيوک پروژئلئر حاضيرلاميشيق. سيستان-بلوچيستان و خوزيستان عيالتلرينده 600.000. هئکتار ائرازيده مودئرن سووارما سيستئمينين پروژه‌سي حاضيرلانيب، گله‌جک اوچ ايلده ايجرا ائده‌جگيک. شوبهه يوخدور کي، بيز هر يئرده آبادانليق اولورسا خالقين ياشاييشي ياخشيلاشيرسا اونا سئوينيب و تبريک ائدريک. اؤزلليکله‌ده بلوچ و عربلرين ياشاديغي بؤلگه‌لرده‌کيآجليق و صفالتين اورتادان قالخاماسي هر بير اينسانين آرزوسودور. البتده بونودا اونودماميشيق کي، شاه زاماني اهوازدا ايجرا اولونان دئز پروژه‌سيند، قصدن عربلرين ياشاديغي 1-جي و 2-جي کلاس اراضيلره سو کاناللاري چکيلمه‌دي. او سددين سويو دئزفولون اتکلرينده‌کي4-جو وئ 5-جي انگبه‌لي اراضيلره آخيديلدي.
منيم سواليم و امينمکى ميلتينده سوالي بوردادير کي، بوتون
1/2
مسئوللار، مهنديسلر، پروژئ يازانلار و نجات يولونو گؤسترنلرين هاميسي بير عقيده ده موشته‌رکدير. اودا، چئشيتلي ايشلرين يانيندا ان واجيب و حياتي اولاني اورمو اوواسيندا سووارما سيستمينين مودئرنلشديرمه‌سيدير. گؤره‌سن ندن هاکمييت بو هاقدا هئچ بير آدديم آتماييب، حتّي پروژئ موتاليه‌سينه بئله باشلاماييب. گؤره‌سن نييه دوغرو دوروست ايش گؤرمک يئرينه يالان وعدهلرله اويدورما سؤزلرله خالقين باشيني آلداتماغا چاليشيلير. بيري دئيير، اويدو شکيللري اورمو گؤلونون دولماغا باشلاديغيني گؤسترير. بيري دئيير آرازدان سو چکيريک- قارشيداکي دئيير “اوندا موغان سوسوز قالار” او بيري دئيير خزردن سو چکيريک، او بيري دئيير گورجوستاندان سو آليريق، بير باشقاسي دئيير گوناه اکينچيلريندير، او بيري دئيير گوناه هاوا-نيندير. يوز آغيز بوش-بوش سؤز سوهبت، بير آدديم عمل يوخ. ندن بو آچيق آيدين آلداتماجالارا، بو ايشده رسمي مسئولييت داشييانلاردان بير اعتيراض يوخ. ميلت يوموشاق اوصولللارلا ايستکلريني ديله گتيررکن غدارجاسينا باسديريلارکن، توتوقلانيب زيندانا سالينارکن بونلاردان بير موناسيبت،اعتيراض سسي اوجالمير. اوزوجو اولان، ائنئرگي باخاني سويداشيميز چيتچييان-نين “اورمو گؤلونون جنوب آخار-باخاريندان گؤله سو آخيديلير سؤزلريدير”. بو ايفاده او قدر قارانليقدير کي، اينساني چاش-باش سالير، چونکي بو سويون هاردان هانسي يوللا، هانسي چايدان ويا آخارباخاردان گلديگي سانکي گيزلين بير عمليياتدير.اوميد ائديرم،يوخاريدا آدلاريني چکديگيم وضعيفه‌لي شخصلر،بو سواللارا جاواب تاپماق اوچون اللريندن گله‌ني اسيرگمييه‌جکلر.
بو يازينين سونوندا ” بئيينلره يئرلشمه‌سي و ميلت طرفيندن علمي-تئکنيکي بير ايستک کيمي طلب ائديلمه‌سي اوچون” اورمو گؤلونون عملي نجاتي هاقدا سون زامانلار يازديغيم بير يازينين کوپيسيني بير داهاتقديم ائديرم. عئيني حالدا سون گونلر تئهراندا جومهور باشقاني و خاريجي بيلگينلرين ايشتيراکي ايله توپلانان “اورمو گؤلونو نجات قروپو”نون آراشديرما،نظر، تکليف و پروژه‌لريني موثبت ديرلنديريرم. دوشونورم کي، ياخين زاماندا بو ايشلره باشلانماسا، سونراکي کسگين آدديما ميلت اولاراق قرار وئرمه‌ليگيک. آنا ديليميزده يازيب اوخوما بيلميين ميلتيميزين بؤيوک اکثرييتينيده بيلگيلنديرمک اوچون عئيني مقاله خطينده “آزئرتالک” پالتالک اوتاغينداکي چيخيشيمين لينکين قئيد ائديرم.
http://www.azertalk.com/wordpress/urmu-goeluenuen-%C9%99m%C9%99li-n%C9%99cat-yolu-boeyuek-r%C9%99suloglu-s%C9%99s-fayli#respond
حؤرمتله : بؤيوک رسول اوغلو 06.07.20142/2
اورمو گؤلونون پراتيک نجات يولو
بير حدفه چاتماق اوچون اونون دوغرولغو و گئديلن يولون دوز، منطيقي و عملي اولماسي گرکمکده‌دير. شوبهه‌سيز کي، اورمو گؤلونون نجاتي قدر دوغرو بير فيکير اولاماز. اونا گئدن يولون ايسه بعضي غئيري فنني و غئيري منطيقي اوصوللارا سؤيکننتکليفي، قصدن اولماسا دا،حوقوقي، تئکنيکي و ايقتيصادي بيلگيسيزليکدن اورتايا چيخابيلر. باخميياراق کي، اورمو گؤلونون سو بالانسينين يارانماسيندا آشاغيدا آچيقلانان پروژه‌لرين يئرينه يئتيريلديگيندن سونرا دا،گؤلون خاريجينده‌کيآخارباخارلاردان اورايا سو اينتيقالي واجيبدير. آما يوخاريدا قئيد ائديلن سببلر اوزوندن،اورايا،آراز چايي ويا خزر گؤلوندن سو گتيرمک غئيري مومکوندور. اونون اوچون اورمو گؤلونون نجاتي اوچون گئجيکمه‌دن آشاغيداکي 4 عمليياتين باشلانماسي قاچينيلمازدير.
1.تجيلي ايشلر: اورمو گؤلونه آخان چايلارداکي بوتون سدلر آچيلاراق، سويون گؤله آخيديلماسي بيرينجي آدديمدير. بو اراضيلرده‌کياکينچيلرين اراضي اؤلچوسونه گؤره قازاناجاقلاري گلير حسابلانيب اونلارا اؤدنه‌رک، آلما و اوزوم باغلاريندان باشقا هئچ بير اکينه سو وئريلممه‌ليدير. بو پروگرام ايکي ويا اوچ ايله قدر دوام ائدبيلر. بو کيمي تدبيرلر دونيانين بير چوخ اؤلکه‌سينده تجروبه اولونوب و موثبت نتيجه‌لر وئرميشدير.
2. قوتور چايينين خوي اوواسينا گيرن يئرينده و آقچايين، تبريز- بازئرگان ترانزيت يولونو کسيشديگي يئرده سو پومپالاماق اوچون ايکي پومپ ستاسيون ديکيلمه‌لي. اکينچيلرين سويا احتيياجي اولمويان زامانلاردا بو سولار پومپلاناراق قارا تپه‌يه قدر آيري آيري بورو ختلري ايله داشينماليدير. اورادا بيرلشديريله‌رک گديي آشيريب اورمو گؤلونه آخيديلماليدير. بو پروژه‌نين آيارلانماسيندا، پومپاژ زامانلاريندا ( آبان آييندان اورديبئهئشت آيينا قدر) اووغلو بولاغينين تقريبن 0.8 م3 /سانييه سو ميقداريني نظرده آلاراق، اونودا پومپاژ سويونا قاتماق دوشونولمه‌ليدير.زاب چاييندان گؤله آخيديلاجاق سويا چوخ گوون اولماسا دا، بو پروژه‌نين تقريبن % 20 – اي ايشلنديينه گؤره دوام ائتديريلمه‌ليدير.
3.گله‌جکد، اورمو گؤلوندن بوخارلاشما يولو ايله اوچان سو ميقداريني آزالديب، راحاتجا بالانس ياراتماق اوچون اونون اوز اؤلچوسونو آزالتماق لازيمدير. گؤلون اطرافيندا،باتلاق اولمويان يئرلرد، ميثال اوچون ( قوشچو- زنبيل داغي، خان کندي- شرفخانا- بؤيوک آدا، قوشاچاي- عجبشير- بؤيوک آدا)نورمال سو سوييه‌سيندن 3 مئتير يوکسکليکده ديکئ “توپراق سئد” ووراراق،بوخارلاشما سطحيني مومکون قدر آزلالتماق گرکمکده‌دير.
4.ان اساس و اوزون مودتلي تدبير ايس، او اراضيلرده سو موديرييتينين کئيفييتيني آرتيرماق و مودئرن سولاما سيستملريندن فايدالانماقدير. سووارما سيستميني يئرينه و اکيله‌جک بيتگييه گؤره ياغمور ويا دامجي سيستمينه چئويرمکل، اکينده ايشله‌ديلن سو ميقداري %75 نيسبتينه قدر آزالديلا بيلر. بو عمليياتين آغير سرمايه و اوزون زامانا احتيياجي اولسادا،اونسوز گؤلون قاليجي نجاتي غئيري مومکوندور.
پروژه‌نين سرمايه توتاري
اينديکي دورومدا، او اؤلکه‌ده جريان ائدن تيکينتي ايشلري قييمتلريندندن خبرسيز اولماغيم، دقيق اؤلچو ديري بيچمگيمه ايمکان وئرمير. “پلان و بودجه اورگانيزاسيونو” دا لغو ائديليديگينه گؤر، اونلارين “قييمت کيتابچالاري” ال چاتماز اولموشدور. اونا گؤر، 20 ايل اؤنجه اؤلکه‌دن چيخديغيم زمانا قدر چئشيتلي بو تيپلي پروژه‌لرده ” مهنديس موشاوير ” کيمي چاليشمالاريمدان الده ائتديگيم تجروبه‌لري، بوگونکو دونيا قييمتلري و انفيلاسيون رقملري ايله چارپيشديراراققابا بير قييمت بيچمکدن باشقا يولوم قالمادي. باشقا ايفده ايله اينرديگيم بو سرمايه ميقداري حقيقي قييمتلره چوخ ياخين دئييل، بلکه چوخ اوزاق اولا بيلر. شوبهه يوخدور کي، پروژه‌ني ديزاين ائليين اينسانلارين. بونو داها گرچکجي شکيلده ايشلييه‌جکلري دوشونولمکده‌دير. آنجاق، بير چوخ سسبب اوزوندن بو گؤلون نجاتينا اولان بؤيوک احتيياج، مصرف ميقداريندان چوخ آسيلي اولموياراق پروژه‌نين يئرينه يئتيريمه‌سيني واجيب قيلماقدادير.
1-گؤل اطرافيندا تقريبن ياريم ميليون هئکتارا برابردير. بونون 150 مين هئکتاري باغات حساب ائديليرسه 350 مين هئکتار اکين اراضيس اوچون اکينچه‌لره اؤدنيمه‌سي گرکن پول ميقداري
350.000 * 1000 $ =350 ميليون $
3 ايلليک اؤدنيش 1،050 مييارد دولار.
2-قوتور چاي، آق چاي و ائووغلو بولاغيندان پومپاژ 10 ميليون دولار.
3-گؤلون اطرافيندا تيکيله‌جک تقريبن 100 کم اوزونلوق، 5 مئتير ان و 3 مئتير يوکسکليکده‌کيديکئ، تسيسلري ايله بيرليکده 30 ميليون ا”دولار.
4-اکيله بيلن اراضينين 400 مين هئکتاريندا، يئرينه گؤره ياغمور و يئرينه گؤره دامجي سيستئمينين قورولماسي اوچون هئکتارا 5000 دولار مصرفله 15 ايل مودتينده توپلام2 ميليارد دولار.
پومپاژلارين بيرينجي ايل، اکينچيلرين قازانجي 3 ايل، ديکئ تيکينتيسي 3 ايل و اوچونجو ايلدن باشليياراق سووارما سيستئم دئييشمه‌سي 12 ايل سوررسه ايلليک بودجه داغيليمي، تقريبن!
– ايلک اوچ ايل اوچون ايلده 370 ميليون دولار
– قالان 12 ايل اوچون ايلليک 170 ميليون دولار.
بويوک رسول اوغلو 30.09.2013
