تبریز دوستاغیندا، قارچیچک لرین سولماسینا باش قالدیران “عزیز پورولی’یه” سونولور- بابک شاهد
یانلیز اوزله رینه گولدوم
آنلیقلارینا آجینیرکن.
اوره یینه گؤی ماوی لیگی قونموش
لالا دامازلیغینداکی گؤیرچین لرین.
قرنفیللرین، آتا باغچاسیندا سولماسینا آغلادیم
چیچک، چیچک یئشه دیرکن اؤزگورلوک توخوم لارینی.
کیمسه یه سئزدیرمدن سئودیم
باشی دیک
توتساق
آج قارینلاری.
ایشیغا ایناندیم
زیندان کؤشه سینده آتا اؤزله مینی اسیرگه دن
اینانج دیره نجینین.
اومورسانیلماسا بئله
اولوشلارین، یوخ اولوشوندا.
چؤکه رن گنجلیگین دیده رگینلیگینه یانسیدیم،
داش بئیین لرین قان قوخوسوندا
سولانمیش اسکی باغچامیزین آنا قوخوسو حسرتی ایله
نئیسه آند ایچمیشدیم
در همین زمینه
