تورکجه خبر:
مجید آراز “کلمه” تلویزیونوندا آزربایجان میللتینی مودافیعه ائتدی مرکزچی‌لرین ایچ‌اوزلرینی گؤستردی
پیک (ماهواره) و اینترنت اوزریندن یاییملانان «شبکه جهانی کلمه» تلویزیونو ایله مصاحبه ائدن مجید آرازین گونئی آزربایجان تورک ملتیندن مدافعه سی مرکزچی قروپلارین ایچ اوزلرینی گؤستردی.
پیک (ماهواره) و اینترنت اوزریندن یاییملانان «شبکه جهانی کلمه» تلویزیونو ایله مصاحبه ائدن مجید آرازین گونئی آزربایجان تورک ملتیندن مدافعه سی مرکزچی قروپلارین ایچ اوزلرینی گؤستردی.
سؤزده دموکراسی و انسان حاقلارینی مودافیعه ائدن انسانلار باشقا ملتلرین سؤزو و ایستکلرینی ائشیتمکده بئله زورلانیرلار بونلارین وئردیگی آزادلیق و دموکراسی وعده لره هئچ گوونمک اولماز. ایکی گون اونجه گئجه آزربایجان ملی دیرینش تشکیلاتی نین مرکزی شورا اویه سی مجید آراز کلمه تلویزیونو طرفیندن جانلی بیر نئچه نفرلیک مصاحبه یه چاغیریلمیشدی. بو مصاحبه ده الاحوازین دموکراتیک تضامن پارتیسی نین گنل دبیری کریم عبدیان، کردستان دموکرات پارتیسی نین رهبرلیک شوراسی نین اویه سی خالد حسن پور و دموکراتلار شوراسی نین سؤزجوسو عباس خرسندی ده اشتراک ائتمیشدیلر.
پروقرامین آپاریجیسی مجید آرازدان آزربایجان تورک ملتی نین اعتراضلارا قاتیلماماقلیغی نین ندنین سوردوغو زامانِ، مجید آراز ایللر بویو آزربایجان تورک ملتی نین وئردیگی مجادله لره توخونارق «مشروطه انقلابیندا، شیخ محمد خیابانی جریانیندا، آزربایجان دموکرات فرقه سی زمانیندا، ۵۷ انقلابیندا، شریعتمداری جریانیندا، ایران و عراق ساواشیندا بونلارین هر بیرینده آزربایجانلی لار مرکزچی پارتیلر و جریانلارین داورانیشین سیناییبلار» دئدی.
او آزربایجان تورک ملتی نین ۱۳۸۵ قیامی و اورمو گؤلونون قوروماسینا قارشی اعتراضلارینا توخونوب و هئچ بیر مرکزچی قروپ و ایراندا یاشایان باشقا ملتلرین تپکی گؤسترمدیگینی آچیقلادی. کئچن آیلاردا توتولان آزربایجان ملی – مدنی فعاللارین فارس دیللی مئدیالار طرفیندن گؤرمزدن گلدیگینی ده آچیقلایان آزربایجان میللی دیرنیش تشکیلاتینین تمثیلچیسی، عباس خرسندی نین ادبسیزجه داورانیشی و آپاریجی نین بیر طرفلی داورانیشی ایله قارشیلاندی.
سؤزونون کسیلمگینه ایذن وئرمه‌یین آراز خوی شهرینده ۳۵ نفرین نئچه دقیقه لیک یارقیلانماسی و مرکزچی قروپلارین بو انسان حاقلاری اولایلارینی گؤرمه‌مزلیکدن گلمه‌لرینه توخونارکن دموکراتلار شوراسی نین سؤزچوسو عباس خرسندی مجید آرازی پروقراما دعوت ائتمک اوچون اعتراضینی آپاریجیا بیلدیردی. مرکزچی پارتیلرین باشقا ملتلرین حاقلاری دوغرولتوسوندا هئچ بیر قاپساملی و دقیق پروقراملارینین اولمادیغینی ایفاده ائدن مجید آرازین آچیقلادیغی گرچکلره وئرجک جاوابی اولمایان خرسندی «بو آقا اصلا آزربایجانلی دگیل هاردان گلیبدیر» دئدی.
بو نئچه دقیقه‌لیک دارتیشمادا فارس دیللی و مرکزچی پارتیلرین داورانیشی و ایچ نیتلری چوخ آچیق و آیدین گؤزه چارپیر. بونا بنزر بیر قروپلار آزربایجان تورک ملتی نین ایستکلرین دیله گتیریب منافعینی ساوونانلاری دانماقدان باشقا هئچ بیر جاوابلاری یوخدور.
