تورکجه خبر:
باکی‌نین اشغالدان قورتولوشونون ۱۰۰-جو ایل دؤنومو آنیلدی
آزربایجان جمهوریتی نین باشکندی اولان باکی شهری، ارمنی و بولشئویک کومنیست لرین ایشغالیندان قورتولشونون، یوزونجو ایل دؤنومو، تورکیه نین باکی‌داکی بویوک ائلچی سی نین ایشتراکی ایله، رشید بهبودف سالونوندا آنیلدی.
آزربایجان جمهوریتی نین باشکندی اولان باکی شهری، ارمنی و بولشئویک کومنیست لرین ایشغالیندان قورتولشونون، یوزونجو ایل دؤنومو، تورکیه نین باکی‌داکی بویوک ائلچی سی نین ایشتراکی ایله، رشید بهبودف سالونوندا آنیلدی.
۳۰ مارس ۱۹۱۸ ایلینده، باکی شهری بیر ساواش آلانینا دؤنموشدو. بو تاریخده ارمنی لر تورکلری قتل عام ائتمک اوچون بویوک بیر گیریشیمده بولوندولار. بولشئویک و ارمنی کومنیستلری ۱ آوریل ۱۹۱۸ تاریخیندن اعتبارن عسگری بیرلیکله برابر، آزربایجانین باکی شهرینده، بویوک بیر تعرضه ال ووروپ و ۳گون آرد آردا سورن بو قتلی عام دا جسد دیشیندا، هئچ بیر جانلی باکی شهرینده گؤرونموردو. بو آغیر دورومدا عثمانلی اوردوسو اؤز قارداشلارینا یاردیم اوچون بیر لشگر تورک عسکرین نوری پاشا نین باشچیلیغی ایله باکی‌یا دوغرو گؤندریر. بو خبردن یئنی روح آلان آزربایجانلی لار نوری پاشانین عسکرلری نین یاردیمی ایله باکینی اشغالدان قورتارا بیلیرلر.
گئچن گونلرده باکی نین رشید بهبودف سالونوندا آنیلان باکی نین ارمنی بولشئویک تعرضولاریندان قورتولوشونون یوزونجو ایل دؤنومو دولت آدملارینین ایشتیراکی ایله آنیلدی. بو آنما مراسیمینه ایشتیراک ائدن، ترکیه نین باکی‌داکی بویوک ائلچی سی ارکان اؤز اورال، اؤز دانیشیغیندا قفقاز اسلام اوردوسونا توخوناراق باکی نین قورتولوش ساواشیندا شهید اولانلارین خاطره سین آغیرلاییب « آزربایجان و ترکیه ایندیه قدر قارداش کیمی یان یانا دورموشسا، یوز ایل بوندان قاباق اولن شهیدلرین سایه سینده اولموشدور. بو یولدا تورکیه دن سونرا، آزربایجان ان چوخ تورک شهداسینا صاحیبدیر. ۱۰۰ ایل بوندان قاباق باکی‌دا، قفقاز اسلام اوردوسوندان ۱۱۳۰ نفر شهید اولدو. بوردا یئری وار کی انور پاشا و قارداشی نوری پاشانین روحلارینی سایغی ایله آناق کی، عثمانلی نین چتین دؤنملرینده، باکی نین قورتولوشو اوچون بو اوردویو تقدیم ائله دی» دئدی.
