تورکجه محاکمه صندلینده- علی تبریزلی
نییه اونا مینجوره بهتانلار و ایگرنجی یالانلار باغلایرلار , هابئله اوتانماز اوتانماز اونی محکوملوق صندلینده اوتوردورلار و قانلی بیر کیمسه کیمی محاکمه ائدیرلر ؟
آیا دوغروسی , تورک ظالم ایمیش , قانلی ایمیش , و پیس ملت ایمیش , و آیا الی نین آلتیندا اولانلارا اینجیک وئررمیش , اونلارین وارلیغین و ملیتین دانارمیش ؟
خیر و یوخ , بویوک تورک بونلارین هامیسینین ترسینه اولاراق , چوخدا دوزگون و قانی ایستی ایمیش , و ایللر بویی بویوک بویوک ملتلر اونون الینین آ لتیندا اولدوقلارین , ال آلتی یاشاماق کیمی دوشونموردولر , اونون بوتون ملی حقوقلارا وئردیگی و قویدوغو قولی و هابئله بسله دیگی محبتی بوتون تاریخلر حق بیر باخیم ایله تانیماقدادرلار .
بس بو حالدا , بوگون نییه بئله ازیلیب و نه اوچون محکوملوق صندلینده محاکمه اولونور ؟ و نه اوچون ایگیرمی ایلده , اعلامیه حقوق بشر زمانیندا وارلیغی , دیلی دانیلیر ؟ و مینلرجه چیرکین ناکیشیلیکلر اولونور ؟
بونون جوابی چوخ آیدین و آچیقدر , اودا بوکی بوگون بویوک تورک حله لیک ,و ظاهرا باسیلیب و سینیبدر و بو محاکمه اونون شکست تاپیپ سیندیغینین محاکمه سیدر نه پیس اولدوعونون .
نه دنسه بعضی یرتیجی و یرتیجیلیق سئونلرین فلسفه لر ی, همیشه بو اولوبدر کی یاشاماق اوچون گرک یرتماق و یا گرک یرتیلماق , یعنی یاشاماق اوچون باشقاسین ئولدوروب یئمک و یا ئولدورولوب یئیلمک , یوخسا انسان اوغلی انسان اولوب , قارداشلیق ایله یاشاماق سفیه و یالانچی بیر فلسفه در , بونا گوره تنارع بقا فلسفه سین حیوانلیق باخیمیندان سئونلر و نئوفاشیست شیوه لرینه اویانلار , بوگون , ئوزلرین حقلی بیلیرلر کی دنیا بویی عدالت ایله یاشایان تورکی , ایکی اوزلی و موذی اولمادیغی اوچون ویرتیب و ئولدوروب یئمه دیگی اوچون اونی ملی ظلم صندلینده اوتوردوب قانلی بیر کیمسه کیمی محاکمه ائتسینلر .
بو یرتیجی و یرتیجیلیق سئونلرین چیرکین باخیمیندان , حاکم و محکوم نه دئمک در ؟ حاکم کیم , و محکوم کیمدر ؟
بو چیرکین یاشایانلارین چیرکین باخیملاریندا حاکم اودرکی گوجی وار و محکوم اودر کی گوجی یوخدر بودر کی , بو ساواش بو یرتیب یرتیلماق فقط و فقط گوجلی اولماق و گوجلی اولماماق ساواشیدر نه حق و عدالت ساواشی .بوگون محکوملوق صندلینده اوتوران و قوللاری باغلی تورک , هر یاندان اورتالانیر , هر یاندان داشا باسیلیر, هر یاندان باشینا توپراقلار سپیلیر چونکی تاریخلر بویی صداقت و محبت ایله یاشادیغی و ئوزیله ئوزگه لره فرق قویمادیغی بوگون اونون اوچون قانلی بیر پیچاق جرم و گناه اولوبدر .
شاعرلری , یازیچیلاری و دیللری تورکون کمک و محبتی ایله بسلنن حرامزاده لر , بوگون اوروپالیلارین قورقوسیله و ناکیشی تحریکلری ایله , ئوز تاریخ قارداش لارینین و تاریخ آتالارینین اوزونه قاباریب , اوتانماز اوتانماز عاق اولورلار .
بوگون هر یاندان سیخیلان و ملی ظلم ایله ازیلن تورک , اگر یئنه ده قدرت و گوج تاپسا , و یا ئوزونه گلسه , هابئله بیر آ ز دوزوپ و چتینلره اوستون دورسا , یئنه ده گئچمیشده کی کیمی بویونا اوخشویاجاقلار ,و قول کیم یقاباغیندا باش اگه جک لر و ایاغین ئوپه جکلر .
بوتون یازی و شعر کتابلاریندا , ایگیتلیگیندن و کیشیلیگیندن , هابئله کرمیندن و شوکتیندن یازاجاقلار و رجزلر باغیراجاقلار , سانکی بو همان تورک دگل اید ی, کی آدینا مینلرجه یالانلار , تهمتلر و چیرکین چیرکین داستانلار قوراشدیرمیشدیلار .
یوزلرو مینلرجه یرتیجی و ایکی اوزلولر, و اون مینلرجه سفرا پیشیک لری و هابئله تورکون اتین چئینه ینلر , گونون قره ائدنلر , چوره گین آجی قیلانلار بیر گون سحر یوخودان دوروب ائشیتسه لر کی مثلا تبریز و یا مرند شهری پایتخت اولوب و گئچمیشده کی کیمی ایرانین رسمی دیلی , غنی و گوزه ل تورک دیلی اولوبدر و حله باشقا دیللر ایله کیمسه نین ایشی یوخدر و بو دیل اجباری و ظالمانه دگل , حتی تورک اولمویانلاردا فورا تورک اولماق شجره سین دوزه لدیب , تورباسین گوتورن تبریز دئیبن سوری – سوری یولا دوشه جکلر , بئلئیکی حتی مرند و تبریزده کی یئرلیلریده ئوز دوغما یوردوندان قووالایب دیدرگین ائده جکلر .
بو یرتیجیلار و ایکی اوزلولر , بو ابن الوقتلر و آ رالیق آداملاری , هابئله بو حیوان سورولری, او گون حتی دونه دونه آند ایچه جکلر کی اصلا و آتا بابادان تورک اوغلی تورک ایمیشلر و دوغولدوقلاری یئرده تبریز و یا مرند ایمیش .
بو صفت , و بو آلچاقلیق جوربه جور شکیللرده اولدوغو کیمی حیوان صفت و قان سوران کیمسه لرین مرامی و مسلکی اولوب و اولماقدادر , بودرکی بورادا کیمسه نین گوزه ل و انسان اولدوغو سایدا و حسابدا دگل , فقط هر کیمین و هر کیمسه نین گوجلی و موقعیت صاحبی اولدوغو محترم و سایغیلیدر .بونا , و بونلارا گوره بوگون محکوملوق صندلینده اللری باغلی اوتوردولان متهم تورک , فقط فقط بونا گوره , محاکمه اولونور کی نییه گوجلی دگل , نییه موقعیتی گوزه ل دگل و نییه باسغینا دوشوب و یا شکست تاپیپدر .
اما دوغروسی آیا , تورک ئوزی بونی بیلمیر ئوزی دوشنمور کی بوگون , و بو اعلامیه حقوق بشر گونی , اونون بویوک و آغیرگناهی اونون فقط باسغینلارا دوشدوگی و دوز تانیماز دشمنلر طرفیندن ظلملره اورتالاندیغیدر , آیدیندر کی تورک بو ایشدن غافل و اوزاقدر , یوخسا هیچ بیر دوشونن انسان آ نلایا آنلایا , چیرکین چیرکین ملی ظلملره , اودلی اودلی ملی تحقیرلره بویون اگمز .
دنیالیق اولان بویوک تورک ملتلری , تاریخلر بویی اوجا و شوکت ایله یاشادیغدان سونرا , بوگون دنیانین هر قیراق بوجاقیندا قولتوقلار آلتیندا ایتگین ایتیگین یاشاماقدا و ملی ظلملر و ملی تحقیرلر ایله گئچینمکده درلر بوچتین و قره گونلر ایله یاشاماغین و بو قانلی اسارتده ئوز – ئوزونده گیزنمگین ان بویوک و گوزه ووران یببلری نه در ؟
بو سوروشوغون جوابی چتین و دریندرسه ده آنجاق اونلاردان بیرینی اوست – اوسته بئله دوشونمک اولار .
چیندن , روسیه دن , مجارستاندان توتوب ایتالیایا قدر بویوک هون امپراطورلاری زمانیندان , تورک – اسلام امپراطوری زمانینا کیمی دنیانی آلان تورک , دیل و ملیت اوغروندا چالیشمایب و او جوره کی یاراشاندر امک بسله یبدر .
هون تورکلر ی, چیندن توتوب , روسیه نین اوروپاسی , مجارستان , آلبانی ( آرنوود ) بولغار , یونان و امپراطور روم شرقی و ژرمن ملتلرین و ایتالیانی فتح ائده ائده فقط اونلارین تسلیم اولماقلارینا و باج وئرمکلرینه قانع اولوبلار .
تورک – اسلام زمانیندا , تورک امپراطورلاری بوتون آسیاو آفریقا و بالقان دا فاتح و حاکم اولا اولا فقط دین و عقیده یولوندا چالیشیبلار , بئلئیکی مسلمانلیغدان و مذهبدن باشقا هیچ بیر ملی وارلیغلارینا و ملی حقوقلارینا باخمایبلار و چالیشیق گوسترمه یبلر .
ایندیکی زماندا , ایگیرمینجی یوز ایلده , ملی ظلم و ملی اسارت زمانیندا اولان تورکلرده , گئچمیشده کی اولان و چوروموش شیوه نی و آتالاریندان , و بابالاریندان قالان و یئتیشن میراثی , عقیده و قوری تعصبلرینی حله ده , توخماق کیمی ئوز باشلارینا وورماقدا و هابئله ملیت ایله مسلکی بیر بیری نه قاتماقدادرلار .
هون زمانیندا دنیانی آلماق , اسلام زمانیندا مسلمان قارداشلیغی یاراتماق و ایندی ایسه مرام و ایده ئولوژیک دووارلاریندا اسیر اولماق .
بس گورونورکی , ایندییه کیمی ملیتیمیزی جوربه جور یوللاردا , مسلمان اولماقدا , ایده ئولوژی یاراتماقدا گوزدن آتمیشیق یعنی ملیتیمیزی عقیده میزه و ایده ئولوژوموزا فدا ائله میشیک , بیر حالدا کی بو عقیده لر و بو تعصبلی ایده ئولوژولار همیشه لیک و ابدی دگل ایمیشلر و اولادا بیلمزلر .
چونکی عقیده و مراملار زمانین اقتضاسی اوچون اورتایا گلیرلر و اورتادان گئدیرلر , حالبو کی ملیت و اصالت هر بیر ملتین وارلیق و شرف سندیدر اونسوز تانینماز ,اونسوز ایتگین و آ دسیزد ر.
ایندییه کیمی بیزی , بیر تورک ملتلری اسیر ائدن , ملیت و ملی حقوقوندان اوزاق سلان همان عقیده و قوری بوشونا دین و ایده ئولوژیک تعصبلری ایمیش کی ئولچودن آرتیق و جیزیقدان قیراق بیر حالدا , بو ایشلره , و بو سوزلره بولاشمیشیق , بونا گوره تورک ملتلرین هر زمان بیر مرام و مذهب مشغول ائدیب و ملیت و ملی حقوقدان اوزاق سالیبدر , بئلئیکی مثلا بیر زمان حضرت مسیح , بودا ساواشی , بیرزمان حضرت علی و عمر اختلافی , و بیر زماندا لئنین و تروتسگی مبارزه سی .
اما هیچ بیر تورک اوغلی تورک , ئوزی ئوزوندن سوروشمایب کی فلان فلان اولموش , باشینا کول النمیش ایکی مسیح و بودا , ایکی عرب و ایکی روس بیری بیری ایله قدرت و مقام و هرنه اوچون ساواشیب سنه نه مربوطدر , آخی سن نئچه دن بیرسن ؟ بیر حالدا کی اونلار , بونلار کیمی بیر بیریله بو جوره دشمن و بو جوره بیر بیرینین قانین توکمه یبلر , بونلاردان باشقا , دین و عقیده سینده متعصب اولان بیر تورک , بئش گون تهراندا یاشایاندا , داها یواش یواش نماز و مسجد یئرینه اویان – بویاندان , مشروب ساتانلاردا , اونون بونون آرخاسیجا هرزه ایتلر کیمی سورونمکده در, بونلاردان بیر آز یوخاریلاری , بئش گون اوروپادا یاشایاندان سونرا , پاک ئوزلرین اوروپالی ادا اطواری ایله اویونا و شاغایا قویماقدادرلار و حتی مرام و ایده ئولوژی متعصبلری , فلان ایسملر بیر آز چتینه دوشن کیمی بوتون ئوزلرین اوتوزماقدا و مرام و ایده ئولوژی یولداشلارین ساتماقدا و هابئله سونرالار مرام و عقیده دشمنلرینین خدمتینده آز بیر مقام و رتبه ایله ائتمکده درلر .
ایندییه کیمی تجربه و یاشایش ثابت ائله یبدر کی عقیده لر و مراملار و حتی مذهبلر , گلدی – گئدردرلر , و یوخاری باشی , مراملار و عقیده لر , ئوز یئرلرین باشقا مرام و عقیده لره وئرمکده درلر , بونا گوره بس بیر مرام و بیر ایده ئولوژی , دنیا وارلیغینین کلیاتی دگل , بلکه کلیاتدان بیر بولوک و بیر جئزدر کی اودا ابدی دگل , بس ایندییه کیمی تورک ملتلرینین دین و مرام تعصبلری اونلارین ملی حقوقلارین و ملی وارلیغلارین قورخویا , و خطره سالیب و یوخلوغا سوروبدر کی بوجوره قانلی بیر کیمسه کیمی محکوملوق صندلینده محاکمه اولماقدادر .
ایگیرمینجی یوز ایلده , آتم چاغیندا تورکه اولان ملی ظلملر , چکیلن داغ لار , وورولان دیل یارالاری بو ایگیرمی یوز ایلین و بو آ تم عصرینین اوزون قره ائدیب , و یونیسقونون ( حقوق بشر ) ین آغزیندان چالیبدر .
بو چیرکین و اورک بولاندیران , ملی ظلملر دنیانین چوخ یئرینده تورکلر حقینده اولورسادا , آنجاق اونلاردان ان چیرکینی و ان اوتانمالیسی همین بورادا , همین بو توپراقدا , تورکون ئوز وطنینده اود یاقدیرماقدادر .
بورادا , حقوق بشر امضاء اولان یئرده , یئتدی یوز ایل بوندان ئونجه بویوک امپراطور چنگیزخانین انتقامین , ایندیکی تورکدن , آتم عصرینین تورکون دن آلیرلار , بیر حالدا کی دین متعصبی و یا ایده ئولوژی مدعسی ایندیکی تورک ئوز تاریخ افتخاری اولان بویوک چنگیزخانی حله ده تانیمیرو ئوزگه لرین اوخی ایله اونا داش آتیر .
بونلاردان باشقا , بوگون تورک ایله جوربه جور اولان چیرکین و درین دشمنلیک لرین ریشه سی و کوکی , هرشئیدن اول اوروپادان صادر اولماقدادر .
البته بو , کینه و عدوات , تکجه بوگون یوخ , بلکه چوخ قدیمدن , حتی اسلامدان اولدن بوتون اوروپالیللرین طرفیندن جوربه جور شکیللرده ,دنیا تورکلرینین علهینه صادر اولاردی .
اونلار , و یرتیجی رژمن قوملاری , هر زمان هون تورکلرینین باشقانی اولان بویوک آتیلا زمانیندان باشلایب قدرتلی عثمانلی امپراطوری زمانینا کیمی بو پوزغون لوقدا , و یرتیجی بیر حالدا , گئجه – گوندوز جان آتیبلار , چونکی عقل اوزی ایله و دوشونجه ایله دوستلوق و یاخینلیق یاراتماق فکرینه دوشمه دن همیشه نخوت و تکبر ساتماق اوچون و شرق ئولکه لرینه آقالیق ائتمک اوچون ئوزلرین اولدوقجا پوزوپ و اولدوقجا دگردن سالیبلار .
بیر حالدا کی بونی یوزلرجه دفعه لر سیناغا چکیب و گوروبلر کی تورکون حریفی دگل ایمیشلر و اولادا بیلمزلر , چونکی تورکده اولان دوزگونلوک و بیر اوزلولوک و هابئله دوستلوقدا و دشمن لیکده بیر بویاقدا دایانماق , ذاتی و درین بیر خصلتدر , بونون اوچون , تورک ایله یاخین و دوست اولماق قیمتلی و باش اوجالیغیدر .
اما اوروپالیلار , بونی دوشونمه دن و تاریخ بویی هیچ بیر یاندا منظم و پاک تورک قوشونلارینین حریفی واوزری اولمادیغلاری اوچون , همیشه موذی و خائین نقشه لر چکیب حتی شرق ئولکه لرینده , قومی و ﻧﮋادی اختلافلار و دینی و مذهبی بولاشیقلار سالماق ایله تورک ملتلرینین اورتالارینا درین درین آیریلیقلار بوراخیبلار .اوروپالیلار , بویوک بویوک قوشونلار , بزکلی بزکلی قوشون باشجیللاری ایله ایللر بویی شهرت , ثروت و آرواد و هابئله قدرت اله گتیرمک اوچون همیشه و هر زمان ئوز ئوزلری ایله یرتیجی ساواشمالاردا و تئزتئز تسلیم اولماقدا عادت ائتدیک لری اوچون ,حله ائله بیرگوجلی و کسگین و ساغلام حریفه توش گلمه میشدیلر و ئوزلرین دنیادا ان بیرینجی فاتح و گوجلی , وارلی و بیلیجی بیلیردیلر و شرقه همیشه آلچاق گوز ایله باخیردیلار ,آنجاق هرنه سه اونلارین بو , ابدی و پوزولماز خیال دنیالاری بیردن بیره پاتلادی , چونکی بویوک قهرمان هون تورکلری ایله بیرینجی دعوا و ساواشدا بوش بیر یئل کیمی توکنمز هوالارا سوغرولدولار .
تاریخده , همیشه اوروپالیلارین یوک چکنی اولان خاخول روسلار , بو ساواشلاردا هامودان آرتیق حماقت و بیلممزلیکلر گوستریبدر , بئلئیکی اوروپالیلار ئوزلری قورخاق و گوزی قیریق اولدوقلاری اوچون همیشه روسیه نی تورک قارشیسینا چیخاردیب و روسیه دن خاخول روسلاری غلام و ژاندارم کیمی آ ز بیر قیمت ایله یوزمین یوزمین آلیب منظم و ایمانلی تورک قوشونلارینین اوزرینه یوللاردیلار , آنجاق بو تشبث و چالیقلامالارین اوزرینده هیچ بیر ساواشدا و هیچ بیر ووروشمادا نه اوروپالیلار و نه ده اونلارین آلینمیش غلاملاری خاخول روسلار , هیچ بیر ایش گوره بیلمزدیلربئلئیکی حتی عثمانلی امپراطورونون ایلک سلطانی اولان بویوک اورخان زمانیندا اروپا و بالقان هرساواشدا بیربه بیرتورکون الینه گئچمکده و تسلیم اولماقدا ایدی .
بو سیرالاردا , اوروپا امپراطورلاریندان باشقا , اونلارین ان بیرینجی دین تعصبی ایله قیزیشدیرانی اولان کلیسا , کی ئوزلوغوندا بویوک بیر قدرت و امپراطور کیمی سایلاردی , همیشه شرق ئولکه لرین و شرق فلسفه سین اورتادان گوتورمک اوچون داها تورکون یوخ اولماغیندا کسگین کسگین چالیغلایبد ر.
اوروپا امپراطورلار یو اونلارین باشیندا کلیسا پاپلاری , همیشه ال بیر اولاراق هر طرفدن تورکون اوزرینه پوزغونلوق و خیانت و جاسوسلوق ,ائدردیلر , بئلئیکی حتی کلیسا طرفیندن جاسوس کشیشلری روحانی پالتاریندا ,بوتون شرق تورک امپراطورلارینین یانینا گونده رردیلر , و اوروپادا فاتح اولان بویوک عثمانلی تورکلرینین علهینه تحریک ائدردیلر , و هابئله شرق روحانی مرکزلرینده نفوذا باشلاردیلار .
فاسد اولان اوروپا , هرگون توکون قوشونونون قاباغیندان قاچراق , هر نئجه مدتده بیر ئولکه تسلیم اولاردی , مثلا: بیرگون رومانی , یوقوسلاوی , آلبانی ( آرنوود ) بولغاریا , یونان , مجارستان ( هون قاری ) چک و اسلاواک , روسیه اوروپاسی , و بیر باشقا گون بوتون آفریقا ئولکه سی بونا گوره اوروپا فاسدلری بو باسیلدیقلاری ین ئوز فاسد و عیاش و ظالم اولدوقلارینین حسابینا قویوب تورکون فتوحاتین الله جزاسی و تانری بلاسی بیلیردیلر , و دوغرو اید ی, و حله بیله بیله یئنه ده ئوز ملتلری اودلی ظلملر آلتیندا غلام ساخلاماقدا ایدیلر .
بوقدر بیلیک و علم ادعاسیله بو تسلیم اولماغی و بو باسغینی تورکون ظالم و یرتیجی اولدوغونادا باغلایردیلار و هر دنده دوشونجه لرینین و شعورلارینین یئتیشمه دیگی اوچون بو باسیلماغی و بوازیلمگی گوگلردن غضبلر ,داغلاردان چیخان اودلی فیرتینالار کیمی دوشونوردولر , چونکی او گونه قدر بئله بیر گوجلی و بئله بیر قهرمان و بئله بیر ساغلام و بویوک ملت ایله اوز اوزه چیخمامیش دیلار ,و آغیزلاریندا یئنی بیر داد و گوزلرینده کسگین بیر قیریق توره نمیش در .
اشرافلیغین فسادینین قویولاریندا خیرخیرایا کیمی باتان و چولقانان اوروپالیلار, بویوک هون تورکلرینین فاباغینا روسیه نی چیخارتدیغلاری کیمی , سون رالاردا بویوک عثمانلی امپراطورونون حریفی اولمادیغلاری اوچون آسیانین باشاباشیندا حاکم اولان باشقا بیر قارداش تورک امپراطورونون اوروپایا چکیلمه گین و اونلارین ئوز قارداشلاری اولان تورکیه ملتی ایله ساواشلارین , ئوزلری اوچون , بویوک بیر نجات و بختورلیک دوشونرک ,چوخ آلچاق و یالتاق بیر حالدا بویوک چنگیزخانی و عظمتلی امیر تئیموری عثمانلی ملتی ایله ساواشدیرماق ایسته دیلر .
هرنه سه , اوروپالیلار و سونرا اونلارین باشجیلی اولان انگلیسلیلر , اللریندن گلینجه تورکون ازیلمگینده و پوزولماغیندا چالیشیبلار و بوگون بو محاکمه صندلی و غیر انسانی محکمه ,اصلینده و حقیقتده اونلار قوران محکمه درکی تورکی قانلی بیر کیمسه کیمی ملی ظلم شاللاقیله محاکمه ائدیرلر .
اوروپالیلار و اونلارین باش تولکوسی اولان انگلیستان , اون سگیزنجی یوز ایلده مانیقاکتور ( ال ایشلری) حالیندان چیخیب آغیر ایشلر و آغیر صنعت دوره سینه باشلادیلار , و بو آغیر صنعت و بویوک بویوک ایش و تولید فابریکالاری , گئتدیکجه گرکدن آرتیق یارادیجیلیق ائتدیلر , و یا احتیاجدان آرتیق تولید ائله دیلر بئله کی عرضه تقاضادان چوخ اولدوغواوچون انگلیستاندا بحران تورندی , اعتصابلار اول دی , میلیاردرلرین بویوک قازانجلاری قورخویا و خطره دوشدی , و سونرا بو میلیاردرلر بو قورخی و خطردن قورتولماق اوچون بازارلار دالینجا دولاندیلار و مستعمره اله گتیرمک فکرینه دوشدولر , آنجاق آفریقا و آسیادا هر یانا باش ووردولار , جان آتدیلار بیر یئراله گتیره بیلمه دیلر , چونکی بوتون بو یئرلرده تورکون ظفر بایراغی ایلدیریملار کیمی پارلاماقدا و اسمکده ایدی .
جین بسم الله دان قورخان کیمی انگلیسلیلرده بو ظفر بایراقلاریندان قورخوریا دوشدوکلری اوچون ,بو ایلدیریم بایراقلارین اونلارین گوزلرینه باتدیغی اوچون داها کیشیلیک ایله یوخ بلکه نا کیشیلیک و خیانت ایله بو اسن بایراقلارین , باتماغیندا تولکولر کیمی نقشه لر چگمگه باشلادیلار .
بونلاردان چوخ اوللرده اوروپالیلار , چوخ مسلمانلارین اورتالارینا آیریلیق سالیب نئچه یئره بولمک اوچون جوربه جور آدلار ایله حنفی , شیعه , علی اللهی فرقه لرینه شدت وئریب قانلی ساواشلار توره تدیلر , بو خصوصدا پورتاقال مملکتین دن ,کلیسا طرفیندن گلن جاسوس کشیش و جوربه جور اوروپا جاسوسلاری , او جمله دن شرلی آدلی بیر انگلیس جاسوسی , شاه اسماعیل صفوینی , عثمانلی تورک قارداشلاری نین اوستونه قیزیشدیرمیش و سونرالار بو آرا ووروشدورمالار و قارماقاریشیق سال ماقلار, هریئرده و هر تورک اولان ئولکه لرده جوربه جور شکیللرده دوام ائتمیش و تورکون قدرتین و اوجالیغین آزاتماق اوچون بوتون هر یانا تاجر , ملا , درویش , و صوفی جاسوسلاری گوندریلمیش و یوزلرجه بئله بیر خائین ایشلر ۱۹۱۸ نجی ایللره کیمی اوزانمیشدر .
انگلیسلیلر تاریخ بویی تورکون حریفی اولمادیقلارین و تورکون بیر اوزلی و دون مز اولدوغون بیلیب و اونون روحون و یا پیسیکولوژوسون درین درین مطالعه ائتدیکدن سونرا هر یاندا تورک اوچون رغیبلر و دشمنلر توره تمگه باشلامیشلار . حتی درویش , ملا , تاجر , ……. و جاسوسلاریندان سوای , تاریخ و ادبیات تانیان , محقیق و مستشرق جاسوسلاردا یوللامیشلار کی تورکه رغیب و دشمن چیخانلارین تورکدن آرتیق و متمدن اولدوقلارین ثابت ائدیب بئله لیکله بوتون شرقده , شرق ملتلرینین اورتاسیندا پوزغونلوق سالسینلار , بو پوزغونلوق اوچون آدلی اولان اینتلجنس سرویس , اداره سی ایشه باشلادی .
یئرسیز دگل کی فرانسالی سیاح ( شاردن ) لر , مورخ و ادیب آدلی ( ادوار برون ) لار (سرپرسایکس ) لار , ده ده لرینین خیرینه تاریخ و ادبیات و سیاحت آدینا شرقده جاسوسلوغا باشلایب , گوزه ل حافظ لر و خیاملار چاپ ائدیبلر .
بئله بیر کتابلاری چاپ ائتمکده , گئچمیشده آرا ووروشدورماق و بو ملتی خصم و اوستون گوسترمک اوچون چاپ ائدیردیسه لر ,آنجاق بوگون بوندان اولدوقجا اقتصادی و تجارتی استفاده ائدیرلر , بئلئیکی بو ملتین ( عجمین ) ضعیف اولان روحیه سین , بیلرک اوروپادا مین جلد خیام و حافظ چاپ ائلمک ایله بونلارین هوس و احساساتلارین تحریک ائدرک اون مین ,اون مین بونجول ماللارین سوخورلار , و حافظ و خیام چاپ ایله مک ایله بونلارا بوجوره آندیریرلارکی سیزین بو گوزه للیکده حافظ و خیامیز وار, نه غمیز وار .
اوروپالیلار و اونلارین تولکوسی اولان انگلیسلیلر , تورکی یئردن گوتورمک اوچون , بو ایشلره قانع اولمادان , بیرینجی دنیا ساواشیندا اون دورت دولتی یغیب بویوک عثمانلی امپراطوزپرونون اوستونه تحریک ائتدی و نئچه ایللر ساواشدان سونرا اونی پوزموشدی .
اون دورت مسیحی دولتی ,حتی دنیانین او باشیندان گلن ژاپون ,ال بیر اولاراق , بو انگلیسلیلرین قورقوسی و ناکیشیلیگی ایله تورک وطنینه یوروموشدولر .
تورکون پوزولدوغوندا اوروپا مسیحی ملتلری سئویندیکدن باشقا ,حتی شرق ملت لری و دولتلریده شادلیق ائدیب سئوینمیشدلر , چونکی اونلار حله بونی بیلمه میشدیلرکی تورکون پوزولدوغو , شرق ملتلرینین پوزولدوغود ر.
هر نه اولورسادا اولسون اوروپالیلار آنجاق بوتون شرقه و شرق ملتلرینه بیر گوز ایله باخیرلار , یئنه ده بونلارین بیربیریله ساواشی اوچون لازم گورورلر بیر گون ( شرلی ) نی , و بیر باشقا کون ( شاردن ) نی , و ( سرپرسایکس ) ی ( پوپ ) ی , گوندرمک ایله بو , بیری قومی تحریک ائله سین و سونرا اونی تورکون پوزولدوغوندا و باسغینیندا شادلیق ایله اویناتسین و ساققالینا گولسون .
اوروپالیلار , تورکیه ملتین بیر شرق ملتی بیلدیکلری اوچون اونی یخماقدا همیشه شرق ملتلرین یخماق ایسته میش , و شرقه یول تاپماق اوچون تاریخلر بویی دمیر کیمی سد اولان تورکون پوزولماغیندا چالیشمیشلار ,بس آیدین درکی, بوتون اوروپا , تورک ایله دشمن اولدوقدا , اصلینده شرق ایله دشمندر , آنجاق لازم و گرکدرکی اونلارین ایچینه تحریکلر اوچون ادیب ,موریخ , سیاح و مستشرق آدینا جاسوسلار گوندرسینلر .
بو گون بویوک تورکیه ملتینین , امریکا بیرلشمیش ئولکه لری ایله دوست لوق رابطه سی , بونا گوره درکی اوروپادا همیشه تورک علیهینه تحریکلر , و دسیسه لر اولوب و اونی شرق سدی کیمی دوشونرک ئوزلری اوچون بیربویوک مانع بیلیرلر , بونی دوشونمویه ن بعضی تورک سولچولاری ئوزگه لرین حیله و قورغوسونا اویاراق یئرسیز ئوز تورک قارداشلارینین علیهینه تحریک اولورلار .
بیرینجی ساواشیندا , اون دورت مسیحی دولتینین تورکیه امپراطورونا جومدوقلاریندان , بوش اولدوقلارین گوستریب و بوگون حله ده او چیرکین سیاستین تاثیری آلتیندا اولاراق اوتانماز اوتانماز ئوز تاریخ قارداشلاری اولان تورکی محاکمه صندلینده قولی باغلی اوتوردورلار .
انگلیسلیلر , عثمانلی امپراطورون , اون دورت مسیحی دولتی هجومیله پوزان دان سونرا عربلری تحریک ائدندن سونرا , آفریقادا , و شرقده حاکمیتی , و قدرتی کفایتلی تورک الیندن چیخاردیب ایللر بویی غلاملیقدا بویون اگن عجملری , یعنی شرق غلاملارین اونلارین یئرینه قویدی , و بو تورک یئرینده قونداریلان غلام حاکملردن , تعهد آلدی کی بوتون تورک ملتلری اورتا دان گوتوروب محو ائتسین .
همین بو شرطلرو تعهدلر , باعث اولدی کی تورکون وارلیغی و دیلی غیر قانونی اولسون , وار یوخی تالانسین , قوللاری باغلانسین , دوداقلارینا قفل و نئشتر وورولسون , دیلینه ملی ظلم داغی باسیلسین .
دوننه کیمی تورکون آتین قشوولایانلار , چوره گین ییه نلر , قاپوسوندا دورانلار , شاعرلر ی, دیللری تشویق و حماتی اولانلار بوگون ئوزگه لرین قورقوسی و تحرکاتی ایله , دوزقابین سیندیریب و دوز و چوره گی اونوداراق , ناکیشی ناکیشی اورگی پاک اولان تورکون اوزونه قاباردیلار , سانکی بو اوتانماز قومون اوزونده هیچ بیر دامجیدا سو یوخ ایمیش بویوک عثمانلی امپراطوری پوزولدوغو زمان ایله برابر , شرقده , آفریقادا و بالقاندا بوتون تورک قورولوشلاری و تورک وارلیغی پوزولماغا باشلادی و حتی بعضی یئرلرده بو پوزغونلوق مشروطه چی آدینا تورکون ئوز الیله تورک حاکمیتین و تورک وارلیغین داقیتیب , تورک دشمنلرین قدرته یئتیردیلر .
غرب و مسیحی دولتلر ی, بوتون آسیادا و آفریقا ملتلرینه ئوزگه گوزی ایله و حتی دشمن گوزی ایله باخیب و اونلاری آلچاق و یالتاق ساخلاماق اوچون هیچ بیر حیله دن و دشمنلیکدن ال چکمه یبلر.
آنجاق هردن لازم اولاندا , آسیاو آفریقا ملتلرینین بو بیرین , او بیرینه اوستون توتوب بیربیری ایله وورشدورب و سونرا اوستون چیخانلاردان تعهدلر و اطاعتلر ایسته یب و چوخوندادا موفق اولوبلار.
یونان , غربه یاخین و مسیحی اولدوغو اوچون , و تورکیه غربی اولمادیغینا گوره , و آسیالی سایلیدیغی اوچون , غرب و مسیحی دولتلر, اونلارین حسابین آیریبلار , مثلا تورک ایله یونان ساواشیندا , یونانین یانین ساخلایبلار , حتی اونی ئوزلری تجهیز و تحریک ائدیبلر .
یوزلرجه بو جوره نمونه لر گوسترمک اولار , او جمله دن ایراندا و قفقازدا , مینلرجه مسلمان تورکون قانین توکن داشناک ارمنی لرین , همین بو غرب و مسیحی دولتلرتجهیز و تحریک ائدیب و بوگون اونلاردان اسرائلین یئرینه ذخیره اولاراق , قاتل ترورلار توره دیرلر .
داشناک ارمنی لر , محض مسیحی و غرب نوکری اولدوقلاری اوچون , غرب و مسیحی دولتلرطرفیندن تقویت اولورلار و فرانسا دولتی الیندن گلن کمگی بو ترورلارا اسیرگه میر چونکی غربه باغلی مسیحی ارمنی لر , آسیالی تورکی ترور ائدیرلر , نه غربی اولانلار ی.
البته ارمنی لر , یهودولار ایله قیاس ائتمک فقط منطقه ده نفوذ ائتمک باخیمینداندر یوخسا , نبوغ و استعداد باخیمیندان بیر یهودی اون مین ارمنی دن یوخاری و اوستوندر , چونکی یهودولار هر بیر تکنیک , اختراع , و اکتشاف و فلسفه , طب و یوزلرجه فوق العاده ایشلرده بویوک نبوغلار صاحبی درلر , و یئنه ده بو قومودان یوزلرجه نابغه و بویوک متفکرلر توره نیب کی بویوک انسان آلبرت اینشتاین اونلاردان بیریسیدر , لاکن ارمنی لرین بویوک و همیشه کی هنرلری فقط میخانه آچماق , عرق و شراب دوزلتمک و یا کالباس و سوسیس دولدورماقدر .
بودرکی یهودی ملتی بیر ایشه حسابسیز و کتابسیز ال وورمازلار , حال بوکی ارمنی لری تحریک ائتمک , آلت ائلمک , و بوینا اوخاشایب اورتادا اویناتماق چوخ آسان بیر ایشدر , چونکی درین و متفکر دگللر .
ارمنی لر , زمان زمان ئوزگه لرین قورغوسی ایله همیشه اللرین اونون بونون قانینا بولایبلار , و هیچ بیر فکر ائلمه یبلرکی بو جنایتلردن نفرت دن باشقا نصیبلری نه اولوبدر ؟
۱۹۱۷ نجی ایللرده , بیرینجی دنیا ساواشیندا , قفقازدا , ارمنی لری تحریک و مسلح ائتمک اوچون , کرمانشاهدان قوشون چکن و باکی یه گئدن , ژنرال ماژور دنسترویل , قهرمان تورک قوشونون قاباغیندان قاچماغا مجبور اولاراق , ارمنی لرین چوخ دانیشیب و قورخاق اولدوقلاریندان آجییب اونلاری غیرتسیز خطاب ائدیر .بو انگلیس ژنرالی , ماژور دنسترویل , یازان کتابین آدی نه اولورموشسادا , بوگون تهراندا , امپریالیزم انگلیس در ایران و قفقاز آدیندا چاپ اولوبدر , و دقت ایله اوخومالیدر .
