تاریخی تورپاقلاریمیز توخونولمازدیر؛
گونئی آزربایجانلی میلی فعاللار بیر مئدیا قورولوشوندا ایشلدیلن خریطه یه اعتراض ائدیبلر
گونئی آزربایجانلی میلی فعاللار بیر مئدیا قورولوشوندا ایشلدیلن خریطه یه اعتراض ائدیبلر.
گونئی آزربایجانین سایین قالا شهرینده، میللی فعاللار خارج ده فعالیت ائدن بیر آزربایجان تی وی کانالیندا ایشلنن یانلیش بیر خریطه یه اعتراض ائدیبلر.
بو تی وی ده گویا گونئی آزربایجان خریطه سی اولاراق ایشلدیلن خریطه بیر چوخ آزربایجان شهری او جمله دن سایین قالا شهرینی احاطه ائتمیردی.
بونا گؤره میلی فعاللار، بیر سیاسی جریانا منسوب اولان بو مئدیا قورولوشونا خطابا بیر اعتراض مکتوبو یاییب لار.
۵۹ فعالین امضاسی ایله یایینلانان بو مکتوبدا آزربایجانین تاریخی سینیرلارینین توخولماز اولدوغو و سؤز قونوسو مئدیا قورولوشونون بو حاقدا ایضاحات وئرمه سی گرکدیگی قئید اولوبدور.
بو اعتراض مکتوبوندان سونرا سؤز قونوسو مئدیا قورولوشونون سوروملولاری بو مساله نین بیر سهودن عبارت اولدوغونو و یانلیش خریطه نین قالدیریلاجاغینی بیلدیریب، عذر ایسته ییبلر.
بولگه نین بو قدر حساس وضعیتینده کی دوشمنلر آزربایجانین تورپاقلارینا گؤز تیکیبلر، یانی باشیمیزدا یئنی سینیرلار چیزیلیر، ترور اؤرگوتلری تورپاقلاریمیزدا جولان وئریر و پرده آرخاسیندا معامله لر اولور نئجه اولور کی میلی حرکت ساحه سینده ادعالار اورتایا قویان بیر قورولوش بئله بیر سهوه یول وئریر؟!
اوموروق کی بو سهولر! بو قدری ایله محدود قالار و آردی اولماز.
