بو سون گونلرده گوناذ تلویزیونو و اونون باشیندا دوران احمد اوبالی اینانیلماز بیر دورمودا باشدا نئچه اسکی و تانینمیش میلی فعال(عاریف کسگین، محمدرضا لوایی، اسماعیل جوادی) و اونلارلا یاناشی باشقا نئچه آیری دیرلی و تانینمیش فعاللارین تخریب و هده له مک پروژه سینی باشلاییب دیر. گوناذ و احمد اوبالی تلوزیون واسطه‌سی ایله کی تاسوفله گونئی آزربایجانین آدینی داشیماقدادیر و بو سون زامانلارا قدر آزربایجان میلی فعاللاری و ائله احمد اوبالی نین اویدورما اتهاملار و داها دوغروسو تخریب لرینه معروض قالان بو دیرلی انسانلارین مالی یاردیملاری ایله ایشینه دوام وئریردی ایندی ((لیدرلیک)) دعواسی یولا سالیب و ((دیکتاتور)) و ((اخلاق سیز)) و چیرکین صفتینی اورتایا قویور بلکه میلی حرکتین یولوندا آز اولسادا انگل تورتسین، نییه کی میلی فعاللار و آزربایجان میلتی احمد اوبالینین مافیاچیلیق و آنتی بیرلیک و تجاری حرکت لریندن بیخیب و اونو و مافیاسینی قیناییرلار. اما احمد اوبالی الینی اونده توتور بلکه فعاللار و میلتین درین نفرتیندن جانینی ساغ قورتارسین. احمد اوبالی آزربایجان میلتی آدینا بوتون سیاسی یئرلرده چیخیش ائدیب و آزربایجان میلی حرکتینی سواستعمال ائتمکله ایندی اوز اصیل ماهیتینی اورتایا قویماقدادیر. البته بو بیرینجی دفعه دئگیل کی احمد اوبالی میلی فعاللارین تخریب و هده له مک پروژه سینی باشلاییر، بیر زامانلار دکتر محمود علی چهره قانلی تبریز خالقینین سئچیلمیشی احمد اوبالی نین اویدورما و بوش سوزلری اساسیندا ایران جاسوسو معرفی اولدو، ائلدار قاراداغلی کی احمد اوبالی کیمی لر یوخ ایکن اونلار میلتیمیزین سسی ایدی‌لر هامان اتهاملا قارشی قارشیا قالدیلار، زامانیندا اویرنجی حرکاتیندا ائتکلی قروپلاردان بیری ((آزوح)) دوستلاریمیز احمد اوبالینین آپ آچیق گونازدان وئردیگی بیلگی لره گوره هامیسی توتوقلانیب و دوستاقا دوشدولر، زامانیندا یئنی گاموح دا اولان میلی فعاللار احمد اوبالی نین ایران حاکمیتینین سئودیگی بیلگیلری یایماق و او انسانلاری تخریب ائتمکله هامیسی چوخ چتینلیک لره معروض قالاندان سونرا آغیر حبس جزالاری آلدیلار.

احمد اوبالی نین گونازدان باشلانان سیاسی یاشامینا باخارکن(چون گونازدان اونجه قارانلیق دی) گوروروک کی هئچ بیر میلی فعال و یا میلی تشکیلاتلاریمیز اوبالی و گونازین تخریب لریندن کناردا قالماییب لار و هر هانسی میلی فعال گونوللری قازانان آندا احمد اوبالی و گونازین تخریب لری باشلانیب. من بو یازیدا احمد اوبالی کیمی انسانلاری تخریب ائتمک ایستمییرم چون اگر میلی منفعت لریمیزی دقتته آلساق او زامان تخریب لردن اوزاق اولمالییق اما بونو قطعیت ایله دئییرم کی سیاسال پسیکولوژی بیلمینه گوره احمد اوبالی بیر روانی خسته لیگه دچاردیر و اونون آدی ((اقتدار طلب و دیکتاتور کارکتردیر)) . بئله نجی انسانلاردا فیکیر سیستمی هورمونلارین قاریشماسی و دنگه لرین پوزلوماسینا گوره فردیت و شخصی منفعت لر اساسیندا قورولار و  توپلوما سواستعمالچی بیر باخیش یارانار. اقتدار طلب انسانلار هئچ کیمی اوزلریندن  اونده و یا حتی اوزلریندن یاناشی گوره بیلمزلر، یعنی هرزامان لیدرلیک پئشینده اولارلار و بو مادی ایسته گه چاتماق اوچون بوتون معنوی وارلیقلاری یاندیرماقدان بئله اسیرگه مزلر. اونا گوره احمد اوبالی او یئرده کی احساس ائدیر گئری ده قالیر او پیس اوشاقلار کیمی آغلاییب، سویوش دئییب، سویو بولاندیریر تا بلکه بو بولاندیریق سودان اوز ضعف لرینین اوستونو اورتسون.

سیاست دونیاسیندا صدام حسین و قذافی کیمی انسانلار دقیقا اقتدار طلب سایلیردیلار کی پارانویا (بدبینی و سوظن) مرضینه دچار ایدیلار و هامینی جاسوس سانیردیلار و اقتداردا قالماق اوچون حتی اوز اوشاقلارینی اولدورمکدن هئچ چکیلمیردیلر.

احمد اوبالی نین مستقیم ایران جاسوسو اولدوغو منه بللی دئگیل اما او کی بللی دی بودور کی بو آنتی بیرلیک ایشلریندن و بوش بوش ادعالاریندان دولایی هامیدان چوخ ایران حاکمیتی، کوردلر، فارس آشیریجیلاری فایدالانیر. یعنی ایشین سونوندا احمد اوبالی بو چیرکین ایش لری ایله دوشمانین حووضونا سو توکور و اوز ایپیمیزی بالتاسی ایله وورور.

سونوندا من ایچریده یاشادیغیم اوچون اوز آدیم ایله چیخیش ائده بیلمیرم چونکی قورخورام احمد اوبالی و اونون سیلاحی اولان گوناذ شرکتی بیزلرینده عکسینی تلوزیوندان یایالار تا ایران امنیتی قوه لرینه بیزلری تانیتدیرالار و بیزده باشقا فیکیرداشلار کیمی احمد اوبالی نین اقتدار شهوتینه قربان گئدک.