گونئی آزربایجان میلی حرکتی نین فعالارینا قارشی، کئچن گونلرده یارانان شانتاژلاری بو حرکتین تمامأ ضررینه گؤروب هر هانسی مئدیادان میلی فعالارین آدینی چکیب سیاسی و اؤزل یاشاملاری امنیتی تهلوکه یه سالماغی ایران رژیمی نین اودونا اودون قوماق بیلیب محکوم ائدیریک.

پروقراملاردا کوچه بازار آغزی لا فعالارین یاشام لاریندان دانیشماق، میلی حرکتین سیاسی ادبیاتین دگرسیزلندیرمک دن باشقا خیری یوخدور.

دونیا سویه سینده دموکراتیک و منطقی وجهه سی اولان گونئی آزربایجان میلی حرکتی ایچینده افتیرا و تخریبات لار دایاندیرماسا، حرکتیمیز گونو گوندن پلورالیسم دن اوزاق لاشیب پوپولیسمه یاخین لاشیب دیکتاتورلوغا چاتاجاق. بوتون مئدیا چالیشانلاریندان، بیربیرینی وورماقدان و ایران رژیمی نین الینه بهانه وئرمکدن واز کئچمه گه و حرکتین دموکراتیک اساسلارینی قوروماغا دعوت ائدیریک.

۳۵ میلیونلوق بیر میلتین ایچیندن چیخان سیاسی-مدنی چالیشانلار، بیر یولدا اولسالاردا چئشیدلی فیکیر و دونیا گوروشلرینه مالیک اولابیلرلر. بونا سایغیلی اولماق لازیم دیر. بیز امنیتی دوروملارا گؤره، هله لیک بو بیلدیریده اؤز آدیمیزی چکمیریک اما لازیم اولسا آچیق آیدین اؤز آدیمیزلا بیلدیری یایاجاغیق. تبریز، اورمو، اردبیل، تهران، زنجان، ماراغا، خوی، سولدوز، اهر، مرند، آستارا، ساراب، قوشاچای، سایین قالا، تیکان تپه شهرلریندن بیر قروپ ملی فعال

دوشنبه گونو

۲ مرداد ۱۳۹۶