آزربایجانین میللی حرکتینده لیدر بوشلوغی وارمی یوخ می؟ امین موحدی
بیر چوخ فعاللاریمیز بويله عونوان ائدیرلر کی بیزیم چوخلی حيزب و گروپلاریمیز اولا اولا داها ليدره ايحتیاجیمیز یوخدور ! بو ايدعانین جاوابیندا دئمک لازیمدیر کی ،حيزب و گروپ اولماغي و اونلارین چوخلوقو ،حرکتین ايحتیاجینی بیرواحید لیدره رفع ائتمیر کي هئچ بلکه ده حرکتين بیر واحید سیاستي اولماق ایچین او حرکت آرتيخراخ بیر لیدره ايحتياجي واردير .
دونیانین بوتون سیاسی حرکتلرینده خصوصاً ایستیقلال مقوله سينده ،حيزب و گروپلار بیر واحید سیاستده ن تبعيیت ائدیرلر .بو واحید سیاست، یا ائتلاف شکلینده اوزین گوستریر یا دا بیرکاريزماتيک رهبر شکلينده، کی هرایکی حالدا هم ائتلاف و همده کاريزماتيک رهبریت ده، بیر رهبر ،بیر نیهایی واحید سسی دنیایه بیلدیرن لازیمدیر.
منیم منظوریم بیر کاریزماتیک رهبر يوخ بلکه ائتلافي رهبردير نيیه کی‌آذربایجانین میللی حرکاتی اوز ایچینده بیر چوخلی حزب و گروپلاری داشییر و دئمک اولار کی بیر غیر رسمی ائتلاف ساییلیر آمما گلین آراشدیراق گوره ک کی بوائتلافدان نييه نیهایتده بیر واحیدسس و واحید سیاست الده ائده بیلمیریک ؟
منیم نظریمه گورا بونین دلیلی بودور کی ؛حیزبلر و گروپلار بیر یئره قده ر بیر واحید سیاستده ایشتیراک ائدیب و او نوقطه ده ن سونرا هر بیریسی باشقا یولا چکيليب گئدیرلر .او نوقطه همن لیدرلیک نوقطه سیدیر یعنی بو کی هاممی آزربایجان ایچین حرکته کئچیر آمما حرکت نتیجه یه یتیشن زامان هر کس اوزین لیدر قامتینده گوروب و باشقا شخص یا گروپ یا دا حیزبلره بیر رقیب گوزینده باخاراق ،هدف و دوشمنی اونودیب بیر بیريني دایندیرماقا چالیشیرلار.
بیزیم ان بویوک پرابلمیمیز ده بودور و بونو قالدیرمادان هئچ حرکت نتیجه وئرمه یه جک ،نیه کی حرکت باشلانیب و نیهایی هدف یرینه ،هدفین یاخینلیقیندا دایانیب،اوز ايچينده لیدر ساواشی باشلايير .
بونلارا باغلی بوتون حيزب و گروپ و شخيصلرين اگر حرکتلری آزربایجانا گورادير هر نئده ن اونجه بو پرابلمی قالدیرماغا مجبوردیلار یوخسا بو اصله قائل اولمایان حقیقتاً آزربایجان ایچین يوخ کی اوزی و اوز قودرت و شهرتي ایچین حرکته کئچیر .
بیز گرک قادیر اولاق کی اوزیمزده ن کئچیب و ان لاییق شخصي اونون حزب و گروپینا باخمایاراق لیدر سئچک و بو سئچیمده ساده جه او لید رین آزربایجانین ایستیقلالینا اعتيقادی و گئنیش بین المللی ایرتیباط گوجو میلاک ساييلماليدير .
عزیز و سایین میللی فعاللاریمیز ديققت ائدسینلر کی بو حالدا آزربایجان ایچین اوزیمیزده ن کئچمک زامانیدیر .اوزیمزدن و منم منم دئمکده ن واز کچیب لیدر سئچملییک .
نئجه کي يوخاريدا گلدي آزربایجانین ایستیقلالینا اعتيقاد و گنیش بین المللی ایرتیباط گوجو، بو لیدرین ان اونئملی شرطي ساییلیر .گلجئک ده بو باره ده آرتیق یازیب و بحث اتمئلییک امما اولسون کی بو بحث آچلیارکن میللتین دويغو دوشونجئه سين اويرنيب آراشديراق.
