زنگان – اسماعيل جميلى
آذربایجانیمین جنت بؤلگه سی
شانلی کئچمیشیمدن نشانه زنگان
صنعتی هنری دونیا شهره سی
گلمز گؤزه للیگین بیانه زنگان
کسرسیز ائیله دین یادلارین فئلین
قورویوب ساخلادین اؤز شیرین دیلین
وطن کئشییینده اویاق تورک ائلین
ائلینله فخر ائله جهانه زنگان
یولدادیر یوبانان آرزی باهارین
گوله بورونه جک آزاد دیارین
اییید اوغلانلارین قوچاق قیزلارین
یایاجاق شهرتین هر یانه زنگان
شانلی کئچمیشیمدن نشانه زنگان
ائلینله فخر ائله جهانه زنگان
در همین زمینه
